影片
更多
2021-05-19
897 浏览
星期三係佛誕唔使返工，當然唔可以錯過星期二晚可以夜瞓大玩特玩嘅機會啦！所以約咗朋友收工後一齊去食好嘢。朋友好嘴刁，揀咗呢一間店試食，結果好喜出望外💛💛💛我哋一收工就趕過去，大概6:50到，已經有人排隊等堂食。我哋要等兩張枱，員工好貼心咁幫我哋留電話，等我哋可以去附近行吓涼下冷氣，唔使喺出面等～等左20分鐘就有位。我哋叫咗羊架（加$10配薯蓉），龍蝦汁海鮮飯，英式鮮奶紅茶同埋柚子茶。羊架有3件，比較多肥膏，但好香唔會好羶，配嘅黃芥末醬汁都好夾。特別要讚嘅係翠玉瓜同埋薯蓉真係好好好好好好食！！！！本來我同朋友好糾結嗌薯蓉定薯條好，真係好開心嗌咗薯蓉嚟食大家一定要試吓！龍蝦汁海鮮飯正正常常，都有唔少海鮮料。兩杯飲品都唔錯，夠凍啱哂喺呢度一定要讚下餐廳嘅員工好貼心同好有禮貌，成餐飯都食得好開心呀
我哋一收工就趕過去，大概6:50到，已經有人排隊等堂食。我哋要等兩張枱，員工好貼心咁幫我哋留電話，等我哋可以去附近行吓涼下冷氣，唔使喺出面等～
等左20分鐘就有位。我哋叫咗羊架（加$10配薯蓉），龍蝦汁海鮮飯，英式鮮奶紅茶同埋柚子茶。羊架有3件，比較多肥膏，但好香唔會好羶，配嘅黃芥末醬汁都好夾。特別要讚嘅係翠玉瓜同埋薯蓉真係好好好好好好食！！！！本來我同朋友好糾結嗌薯蓉定薯條好，真係好開心嗌咗薯蓉嚟食大家一定要試吓！
龍蝦汁海鮮飯正正常常，都有唔少海鮮料。兩杯飲品都唔錯，夠凍啱哂
喺呢度一定要讚下餐廳嘅員工好貼心同好有禮貌，成餐飯都食得好開心呀
张贴
