思想共鳴 (已搬遷)

原本一心谂住黎食all day breakfast,点知店员话无晒，结果叫左柚子蟹肉沙律，估你唔到完全系喜出望外，唔只摆盆靓，味道仲好好，成件事好Fresh 🥒CP值超高，好抵食！份量超佛心👏🏻推介指数：⭐️⭐️⭐️⭐️⭐️蔬菜好新鲜，睇得出更加食得出。柚子汁好香柚子味而且酸甜开胃，酱汁沉左底，如更均匀会更佳价钱仲非常抵食，只系$68饮品另加钱，埋单$88唯一小挑剔系有dd 壳碎🤭🌟latte好饮 甜度刚好 拉花靓🌟…查看更多

思想共鸣非一般的餐厅，食物质素非常高！一班有心有力嘅年青人，一切制作有水准嘅食物、有礼貌嘅服务令你窝心感动，可以话系有诚意嘅良心餐厅。有冇试过食过好Juicy嘅牛脷呢?来到思想共鸣你就可以试吓啦！而且呢块牛脷非常之厚身，必食推介！跟住要介绍呢个牛脷螺丝粉，系用茄汁炒嘅，螺丝粉弹牙，牛脷依然厚身，好好味，配上豆苗在上面，口感清新啊！🥰🥰🥰加$20可以有黑松露炸薯条，份量都好多哦，薯条同个黑松露酱都可配合。意大利饭都好正！诚意的咖啡好香😍😍…查看更多

思想共鸣系间好有诚意既小店分别同唔同朋友食过好几次大家都系有赞冇弹！知道就快要搬舖真系有d唔舍得！最最最钟意食一定系蟹肉沙律！食得系新鲜蟹肉拆出黎既鲜甜！沙律都好fresh！几十蚊一个餐完全系不计成本呀！大家要多多支持！…查看更多

帮衬小店，入左呢度食lunch.叫左海胆汁蟹肉炸软壳蟹意大利饭$98，跟餐得茶唔使加钱，叫左茉莉茶。海胆汁蟹肉炸软壳蟹意大利饭食落有海胆味，不过蟹肉唔多，炸软壳蟹完全冇粉浆，不过都ok脆，食到中段就有啲寡。环境较迫，𠮶日好焗无开风扇冷气咁。最令人唔舒服系播既歌好嘈，都系啲粗口歌，改词翻唱但难听既「黄歌」，食完拿拿声走。我都系支持黄店，但呢度环境我麻麻。…查看更多

收到消息呢间餐厅因为业主加租佢哋要搬呀！所以就帮衬多几次，今日第一次试佢哋嘅all day Breakfast，真系令人开心到死！佢个黑松露炒蛋、佢个薯蓉沙律真系令人一试难忘，然后我个仔食佢最钟意嘅龙虾汁海鲜意大利饭，佢每一次都话呢个饭真系好好食！今日个餐仲可以追加黑松露薯条，当我买单嘅时候我见到台台都有黑松露薯条，有啲仲叫两份添！真系我钟意呢间餐厅，同埋最开心可以用PayMe俾钱，希望识得呢间餐厅嘅朋友快啲帮衬多几次啦！希望佢唔好离开新蒲岗啦！…查看更多