思想共鳴 (已搬遷)

原本一心諗住黎食all day breakfast,點知店員話無曬，結果叫左柚子蟹肉沙律，估你唔到完全係喜出望外，唔只擺盆靚，味道仲好好，成件事好Fresh 🥒CP值超高，好抵食！份量超佛心👏🏻推介指數：⭐️⭐️⭐️⭐️⭐️蔬菜好新鮮，睇得出更加食得出。柚子汁好香柚子味而且酸甜開胃，醬汁沉左底，如更均勻會更佳價錢仲非常抵食，只係$68飲品另加錢，埋單$88唯一小挑剔係有dd 殼碎🤭🌟latte好飲 甜度剛好 拉花靚🌟…查看更多

思想共鳴非一般的餐廳，食物質素非常高！一班有心有力嘅年青人，一切製作有水準嘅食物、有禮貌嘅服務令你窩心感動，可以話係有誠意嘅良心餐廳。有冇試過食過好Juicy嘅牛脷呢?來到思想共鳴你就可以試吓啦！而且呢塊牛脷非常之厚身，必食推介！跟住要介紹呢個牛脷螺絲粉，係用茄汁炒嘅，螺絲粉彈牙，牛脷依然厚身，好好味，配上豆苗在上面，口感清新啊！🥰🥰🥰加$20可以有黑松露炸薯條，份量都好多哦，薯條同個黑松露醬都可配合。意大利飯都好正！誠意的咖啡好香😍😍…查看更多

思想共鳴係間好有誠意既小店分別同唔同朋友食過好幾次大家都係有讚冇彈！知道就快要搬舖真係有d唔捨得！最最最鍾意食一定係蟹肉沙律！食得係新鮮蟹肉拆出黎既鮮甜！沙律都好fresh！幾十蚊一個餐完全係不計成本呀！大家要多多支持！…查看更多

幫襯小店，入左呢度食lunch.叫左海膽汁蟹肉炸軟殼蟹意大利飯$98，跟餐得茶唔使加錢，叫左茉莉茶。海膽汁蟹肉炸軟殼蟹意大利飯食落有海膽味，不過蟹肉唔多，炸軟殼蟹完全冇粉漿，不過都ok脆，食到中段就有啲寡。環境較迫，嗰日好焗無開風扇冷氣咁。最令人唔舒服係播既歌好嘈，都係啲粗口歌，改詞翻唱但難聽既「黃歌」，食完拿拿聲走。我都係支持黃店，但呢度環境我麻麻。…查看更多

收到消息呢間餐廳因為業主加租佢哋要搬呀！所以就幫襯多幾次，今日第一次試佢哋嘅all day Breakfast，真係令人開心到死！佢個黑松露炒蛋、佢個薯蓉沙律真係令人一試難忘，然後我個仔食佢最鍾意嘅龍蝦汁海鮮意大利飯，佢每一次都話呢個飯真係好好食！今日個餐仲可以追加黑松露薯條，當我買單嘅時候我見到台台都有黑松露薯條，有啲仲叫兩份添！真係我鍾意呢間餐廳，同埋最開心可以用PayMe俾錢，希望識得呢間餐廳嘅朋友快啲幫襯多幾次啦！希望佢唔好離開新蒲崗啦！…查看更多

思想共鳴呢間餐廳又年青人處理，每次食都保持水準，係好有誠意製作食物，而且好有創意。今次嚟都聽到隔離枱話要食牛脷咁咪又試吓學人哋嗌囉，真係一試便知龍與鳳，唔識猶自可食完停唔到口，今次再試吓佢嘅手工啤酒，係有啤酒花嘅香味，所以飲落去嘅時候你會飲到好香嘅花味，而且入口陣陣芳香，令你繼續想食牛脷，今次叫多件牛扒，都係非常之Juicy，有繼續encore意大利飯，都係保持水準，當然一定要食我最鍾意嘅蟹肉沙律，每次食都係有好多蟹肉食唔晒。總之，一定要幫襯，要幫陳好去幫襯，大家加油！…查看更多

想試好耐嘅fushion菜😍個海膽三文魚炒飯真係好香好足料 食到停唔到！但我對個烤肉眼牛扒都幾失望 太多筋我冇牙咬唔到😭但由於呢間野嘅調味真係不錯 想比多次機會佢等我下次叫西冷試下先🤣…查看更多

思想共鳴，你沒有想到原來是一間餐廳。在我家附近開了很久，都沒有機會幫襯過，最近因為颱風關係，於是入去試一試，後來發現大有驚喜。首先吃了蟹肉沙律，分量十足，而且吃到的蟹肉真的有蟹味，不是蟹柳那一種，後來再叫三文魚沙律，令我喜出望外的是Tara三文魚很有心地變成一朵玫瑰花，只是幾十元的一個沙律都很有心思，非常感動。另外我們叫了沙尾雞翼有水牛城雞翼、柚子雞翼、花雕雞翼，我們三口子每人可以吃到一款味道，非常開心，另外的推介的是他們的意大利粉和意大利粉，到時製作非常有水準，此外他是年青人處理的有下訂單甚至乎招呼客人，到水吧到廚房有機會都是同一個人，看到的是熱誠，所以推介給大家支持年青人的夢想食店。…查看更多

之前嚟過一次，不過因為上次要等位所以最終冇食到😣今次終於可以食到啦！！店舖座位唔多，午餐時段多人就要等下。店舖內嘅餐單選擇都幾多，我選擇咗”香草檸檬蝦意粉”好驚喜～終於可以食到一個係超級熱嘅意粉，唔係微溫熱少少，而係全熱；意粉嘅配料多（菇同蜆肉）、隻蝦算大隻，蝦身實淨但好彈牙、檸檬味唔搶，香草加埋檸檬味唔係清新嘅味道，而且惹味嘅口感！而且價錢算親民、包埋飲品，整體感覺好正！又一可encore餐廳！❤️🧡💛…查看更多

呢間思想共鳴喺新蒲崗都幾出名 慕名而來😌佢哋主打輕日風西餐 價錢中規中矩啦 小店關係 平日lunch都full哂咁濟😯-嗰日我行到去餐廳已經滴哂汗🥵本身佢哋嘅意粉係比較出名🍝不過見到佢哋新推出仲夏蝦祭menu仲要係冷麵 好奇心驅使我叫嚟試下 但係食完覺得有啲失望同後悔😢-🍜炸蝦配綜合炸物赤冷麵 $70冷麵用咗比較粗身嘅蕎麥麵 個人覺得呢隻麵唔太適合做冷麵 麵唔夠凍 忍唔住加咗幾粒冰落去😵(冇錯我加咗檸茶啲冰落去🧊😂)個汁都係普通嘅豉油味 冇乜驚喜 炸物望落都吸引 款式都比我預期多🍤除咗炸蝦 仲有炸菇同炸茄子🍆不過顏色偏深 似乎炸得太耐🧐食落炸漿味道偏鹹 而且有啲油 但係勝在蟹籽俾得好重手😙建議蘸完豉油先再夾蟹籽一齊食-🥤凍檸茶 +$5飲品都麻麻地 係咪一時失手啊？🤨加$5叫咗杯凍檸茶 有半杯都係冰 檸茶好淡味 淡到我唔覺自己飲緊檸茶🥲 -如果要我俾$70再食多次呢個冷麵 未必喇 早知乖乖地叫意粉啦🥲…查看更多

嗌左個tea set 鮮茄蝦意粉 再配多個芝士焗西蘭花本身諗住只係tea set 會唔夠飽 所以加多個小食 但估唔到意粉個份量都有驚喜好香鮮茄味 D蝦亦都好新鮮 好爽口 肉質唔會好「煤」西蘭花除左有芝士都介有D白汁 都好入味面頭D芝士都做到拉絲效果希望呢D良心小店可以堅持到落去!…查看更多

🎈今日又去左新蒲崗😂就快個個禮拜都去喇😛本身想食日本野，但最後去左試新野，結果呢度無令我哋失望，肥成仲話一定會翻叮‼️仲話可以翻叮再翻叮（好少餐廳佢會咁講）😂🎈肥成叫左個⭐️蕃茄大蝦帆立貝意粉⭐️+𝕝𝕒𝕥𝕥𝕖，意粉 一上檯好香，試左一啖覺得好驚喜，個汁好好味，蕃茄味好濃；啲大蝦好厚肉，煮得岩岩好，唔會煮到硬崩崩；意粉就彈牙爽口👍🏻🎈我叫左一個冷蕎麥麵，熱辣辣嘅夏天配冷麵真係好岩，啲蝦燒得好好，蝦唔會變乾柴亦都有燒過嘅香氣👍🏻🎈飲品加錢叫左𝕝𝕒𝕥𝕥𝕖同⭐️桂花烏龍冷泡茶⭐️，肥成話杯𝕝𝕒𝕥𝕥𝕖好飲但冷泡茶更加正，杯冷泡茶充滿桂花香，無冰無糖，飲落去覺得好𝕗𝕣𝕖𝕤𝕙，好鍾意😌💵$168 𝕗𝕠𝕣 𝕒𝕝𝕝 𝕚𝕥𝕖𝕞𝕤，絕對高𝕔𝕡值⭐️…查看更多

又回到星期一下午，接近晚餐時間來臨之前，我在「新蒲崗」大大小小不同風格，不同類型的中西食肆裡面，尋找在今晚晚餐裡面可以享用屬於「雞肉」部分食品，又有甜味飲品跟雪糕甜品的餐廳。結果我在「西貢」乘搭專綫小巴，從「西貢」來到「采頤花園」巴士站之後，一落車就立刻步行進入「新蒲崗」，沿着「四美街」轉入「五芳街」，再左轉入「大有街」，沿着「大有街」走到盡頭，跟「爵祿街」的交界點。去到「大有街」盡頭，我有兩個方向選擇，一是左轉入「爵祿街」，再直行到達「景福街」，右轉入「崇齡街」，在斑馬線左邊找到「越秀廣場」。又或者右轉入「爵祿街」，再沿路走再左轉，直行見到「越秀廣場」為止。其實「新蒲崗」的街道實際分布，對我來說就好像迷宮一樣，尋找「新蒲崗」目標地點之前，需要先對着地圖搜集食店相關資料，摸清楚前往食店需要途經的街道名稱，拿着地圖上路才能夠儘快找到目標食店。我的目標晚餐食店「思想共鳴」，「思想共鳴」屬於輕日風西餐廳，晚餐餐牌裡面的食品，主要包括有「意大利麵」、「小食」跟咖啡飲品，當然不可能奢望「思想共鳴」會無端端有「牛腩飯」食品出現。但是想在輕日風西餐廳「思想共鳴」餐牌裡面找到「雞肉」食品，應該不成問題，關鍵在於我個人比較喜歡食肉質比較多的「雞扒」、「雞腿肉」多一點，所以第一時間在牌裡面找尋「雞肉」「意大利粉」食品。結果我在「思想共鳴」晚餐餐牌裡面，找尋到一款名稱叫做「菠菜忌廉汁烤雞螺絲粉」，算是意大利粉的西餐食品，除此之外，我找不到其他有指明「雞腿肉」或者「雞扒」的意大利粉食品。「思想共鳴」的晚餐餐牌裡面，套餐包括有主菜食品，跟免費熱茶一杯，反而沒有包含其他前菜、沙律、餐湯或者麵包，所以享用「思想共鳴」晚餐套餐，最多只能夠加錢轉套餐飲品，跟追加雪糕甜品而已。結果我在「思想共鳴」晚餐主菜食品裡面，點了「菠菜忌廉汁烤雞螺絲粉」套餐，套餐飲品選擇了加錢，享用冰凍咖啡飲品「凍朱古力咖啡」。最後我選擇了「思想共鳴」晚餐裡面，最後壓軸登場部分的甜品，自選兩球不同口味的「意式雪糕」，我在三款口味「雲呢拿」、「夏日野莓」跟「香蕉朱古力榛子」雪糕裡面，選擇後者兩款。「思想共鳴」兩款「意式雪糕」「叫起」留到晚餐尾聲，才安排侍應把雪糕送出來上檯。原來「思想共鳴」廚房店員真的沒有加任何醬汁或者裝飾配料，只把兩球「意式雪糕」放在有兩小格的方塊餐碟裡面。說回「思想共鳴」晚餐套餐裡面，最早被安排送到享用的冰凍飲品「朱古力咖啡」，亦即是「摩卡咖啡」。我曾經擔心「思想共鳴」「朱古力咖啡」的實際製成品味道會不夠甜，只有咖啡裡面的苦味。幸好「思想共鳴」當時製造給我的凍「朱古力咖啡」，飲品實際製成品裡面的甜味「朱古力」感覺十分濃郁，足以把「咖啡」裡面原本的苦澀味道都掩蓋過去，令飲品實際味道變得甜美而容易入口。加上我光顧「思想共鳴」，享用晚餐的時候才剛剛六點左右而已，所以即使六點左右享用甜味「朱古力咖啡」，也未至於對我晚上睡眠質素構成影響。至於「思想共鳴」晚餐套餐裡面的主菜食品「菠菜忌廉汁烤雞螺絲粉」，廚房在套餐飲品「凍朱古力咖啡」上檯之後不久就製作完成，由餐廳侍應端着「菠菜忌廉汁烤雞螺絲粉」，送到我的檯面上。其實「思想共鳴」廚房製造出來的晚餐食品「忌廉菠菜汁烤雞螺絲粉」，「忌廉菠菜汁烤雞螺絲粉」底層的甜味「忌廉菠菜汁」汁液實際份量一點也不多，至少菠菜醬汁沒有浮現在「螺絲粉」表面上。「思想共鳴」廚房反而有在「忌廉菠菜汁烤雞螺絲粉」實際製成品表面上，鋪上一大堆像「菠菜」的綠色蔬菜配料，令食客把注意力回到「忌廉菠菜汁烤雞螺絲粉」表面的裝飾「菠菜」菜莖表面上。至於「菠菜」的實際甜味，則被「思想共鳴」廚房加入牛奶、忌廉跟其他香料配料，煮成質地比較稠密，味道偏向比較濃厚和甜美的「菠菜」意粉醬汁，放在餐碟的底層位置。至於「忌廉菠菜汁烤雞螺絲粉」裡面的另一重要部分食材「烤雞」，沒有骨頭的雞肉被「思想共鳴」廚房切成粒狀，再被加入「黑椒」跟少許「鹽」和「糖」調味，加進被預先煮熟炒熱的「螺絲粉」裡面一起兜勻炒熟。至於「菠菜忌廉汁烤雞螺絲粉」實際製成品，有關「螺絲粉」的實際味道，結果還是受底層的甜味「菠菜忌廉汁」所影響，「螺絲粉」實際味道在浸過和炒過「菠菜忌廉汁」之後也變甜了，口感則比較中等，不硬之餘也不太腍。至於切粉無骨「烤雞」「雞腿」肉裡面的味道，因為「烤雞」「雞腿」被廚房預先炒過，所以「雞肉」外層實際口感有少許硬，內裡雞肉口感則有少許軟腍，而且夾雜少許黑椒辣味。不過有一點可以肯定是「忌廉菠菜汁烤雞螺絲粉」裡面的切粒「雞肉」，「雞肉」實際份量不算十分多，目測大約有十多粒，切粒和被醃上黑椒辣味的「雞肉」。由於甜味「忌廉菠菜汁螺絲粉」配辣味黑椒「烤雞」，兩者本身的實際味道感覺其實有點不同，加上少許鹽鹹味之後，就炒成一碟整體味道偏濃，有甜味、鹹味和少許辣味的意大利粉食品。我食完「思想共鳴」製造的晚餐意大利粉食品「菠菜忌廉汁烤雞螺絲粉」，喝完甜味冰凍「朱古力咖啡」之後，餐廳侍應終於是時候呈上一共有兩款不同味道的「意大利雪糕」甜品。我選擇「思想共鳴」兩款不同味道的「意大利雪糕」，包括有「夏日野莓」跟「香蕉朱古力榛子」雪糕，兩款「意大利雪糕」的實際味道，感覺有着天壤之別。因為顧名思義，「夏日野莓」雪糕裡面有主要味道，還是來自於「野莓」裡面的濃厚酸味，相反「夏日野莓」雪糕裡面的甜味比例沒有「野莓」酸味那麼濃厚。由於我之前享用的「思想共鳴」晚餐裡面，食品「忌廉菠菜汁烤雞螺絲粉」的主要味道沒有包括「酸味」，只有少許來自「菠菜」甜味，所以令我容易感覺到「夏日野莓」雪糕裡面的濃厚酸味。至於「思想共鳴」裡面的另一款「意大利雪糕」，「香蕉朱古力榛子」雪糕的整體味道跟「夏日野莓」雪糕剛剛相反，雪糕材料無論「香蕉」、「朱古力」抑或「榛子」整體味道都是偏甜。所以食完整體味道偏向比較酸的「夏日野莓」雪糕之後，再食一口整體味道偏向比較甜的「香蕉朱古力榛子」雪糕，立刻感覺到濃厚的甜味感覺。而且「思想共鳴」廚房製作出來的「意大利雪糕」實際體積看似不算少，所以即使像我每食一口雪糕份量都十分大的人，也可以食一段時間才食完雪糕，下次再光顧「思想共鳴」可以考慮享用。…查看更多

見環境唔錯，行過同男朋友試一試。首先等咗好耐，到大概20分鐘後先有野食上嚟。我地一人叫咗一個意粉食，再加個薯條share。首先講我個忌廉汁意粉，味道非常奇怪，唔似忌廉汁嘅味。而且佢嘅意粉偏硬身，味道唔太好。成個意粉有一大堆汁喺意粉下面.......可以話食咗第一啖就唔想再食。到男朋友嘅青酒汁意粉，佢話好過忌廉汁個個，但味道都係偏奇怪。成餐最好食嘅，係個薯條🍟，幾脆嘅。（左係忌廉汁，右係青酒意粉）…查看更多

餐廳既正常餐牌既食物選擇比較多, 午餐set lunch 就只有兩個選擇, 為左唔洗諗就每人一個🤣 墨魚汁扇貝意粉🦑($78)墨魚汁係繼白汁之後我第二愛既意粉配搭, 雖然食完會成個嘴變左黑色, 但係偏偏就會好想食😌 呢個意粉顏色就做到喇, 但係味道始終都係差啲, 少左平日會有既洋蔥🧅同蒜頭🧄, 少左呢兩樣野成個味道即刻變普通曬😢 扇貝有兩大隻, 味道正常, 另外仲配左啲水種豆苗, 不過同個意粉有啲唔太夾😵 意粉絕對有好大既進步空間龍蝦西班牙海鮮飯🦞($108)見到個名再加埋幅相已經覺得好正, 但係食落就完全係錯曬🥲 唔知點解個飯係苦苦地, 龍蝦有半邊, 味道同肉質算正常, 呢個飯我地最後都冇食曬, 因為真係有啲苦☹️山楂蘋果茶🍎($18)跟餐只須要加$18 蚊, 正價就$36, 味道都唔錯既, 飲到少量既蘋果蓉, 酸酸地又凍凍地, 幾降溫😎…查看更多