翠林辣蟹舫

呢間位於尖沙嘴嘅網紅蟹店以避風塘炒蟹為主打，另有多款唔同炒法嘅蟹同特色私房菜料理。座位闊落，店員服務態度友善，感覺舒適。現時蟹做緊八折，而指定菜式有半價優惠，每月更會更新優惠菜單，次次去都有驚喜。鎮店之寶避風塘炒蟹賣相吸睛，加入特製炸蒜同蔥，採用原隻越南肉蟹，啖啖肉，鮮甜入味，切勿錯過。黃金流沙蝦球曾喺2016年得獎，混入沙狀鹹蛋黃同脆脆條，大大粒，炸至外脆，蝦肉鮮甜，達蛋黃鹹香味濃郁，性價比高。鹿茸菇炒牛柳火候處理得啱啱好，牛柳甜甜鹹鹹，厚切度適中，入口嫩滑，鹿茸菇帶咬口，整體搭配好夾。蟹醬芫香炒粉絲份量十足，放咗段時間都唔會乾，調味偏清淡，可以搭配炒蟹嘅蒜。