The Pearl

今日放工約左朋友去尖沙咀，打算去飲野，咁岩見到呢間係酒店上面嘅餐廳有cocktail 同食西餐，加上地點又方便就一試！餐廳有戶外，而且座位都好寬敞。無花果帕馬火腿沙律沙律材料豐富，有巴馬臣芝士、松子仁及黑醋橄欖油汁，而巴馬火腿好大塊，加埋好甜嘅無花果同大大舊嘅哈蜜瓜！吞拿魚牛油果泡沫他他配自製羅勒油吞拿魚好fresh，加埋自製羅勒油同牛油果，做前菜好岩，又唔會太heavy！和風醬油大蝦煙肉扁意粉呢個係必點同最好食嘅意粉，食得好大蝦係好入味，加埋意粉好掛汁，每啖都有煙肉碎同汁，好好味！更值得欣賞係扁意粉係煮到岩岩好，口感煙韌！香煎牛風門柳份量適中，而且切成一口一小片，好細心，加上青汁成個感覺好清新！而薯容係最出色嘅部分，非常幼滑！Pearadise & Wandering Voyage兩杯cocktail都各有特色，都係偏向甜嘅cocktail，鍾意甜嘅人一定岩口味！