大圍小食

营业中

休息中

大圍小食係大圍好多年，係地鐵站附近，好方便，性價比都高，次次去襯都好多人幫襯。今日去大圍踩單車，要醫左個肚先，係大圍小食快快食飽飽就起行。🐷炸豬大腸 $15@外層酥脆可口，質感煙韌，夾雜住油香，洗得乾淨冇異味，加點甜醬更滋味，一人一串都唔係咁夠。串燒即叫即燒，我哋點了兩款🦑魷魚串燒 $20@我哋要了咖喱味，同魷魚味好夾，質感煙韌帶嚼勁，唔錯。☺️🐖豬頸肉 $16@肉質爽口又唔嚡，唔會燒到勁乾身👍🏼🥢豬紅韭菜豬腸 $35份量勁多好抵食，配胡椒湯好暖胃，豬腸唔韌，豬紅軟綿，韭菜又好爽口。湯係分開的，好貼心。🥬生菜魚肉 大 $38魚肉份量多，食魚肉最鐘意佢煙韌嘅口感，加點麻油同辣菜莆，好正。🍲碗仔翅 大 $38碗仔翅係街頭小食必食之一，好多料，爆多木耳，好爽口，好掛湯，食之前加埋麻油，胡椒粉同醋咁先至最好食，最正宗嘅食法。🍢魚蛋 十粒 $12魚蛋細細粒，質感較實嘅，好濃嘅陳皮味，配埋佢嘅得獎辣醬，刺激味蕾，勁快KO😄🥢煎釀三寶 5件 $20有好多款選擇，我就最愛豆腐，茄子同魚蛋，釀嘅魚肉都好煙韌香口，西蘭花都有，勁大舊😂，可以一試。