影片
更多
2022-07-11
191 浏览
住大圍，點可以唔識“大圍小食”喺大圍屹立二十幾年嘅老店🏚️，款式多元化而且食物經典最重要係性價比好高。今日決定小食🍢當晚飯，五點嘅幾都已經見到一堆人喺度排隊買嘢食，唔講咁多畀大家睇下我嗌咗啲咩嘢食。肉碎狗仔🐶粉/肉碎銀針粉：每次嚟都必食，佢哋嘅狗仔粉🐶/銀針粉真係好有懷舊風味，而且份量都好多，入面仲有碎肉冬菇蝦米🦐，非常足料。懷舊玩仔翅🍲：每次我都叫兩溝，即係魚翅+魚肉，雖然話係假翅，但條條都一樣好粗，魚肉又彈牙，真係越嚟越少地方有呢啲，真係好有食翅🍲嘅感覺，希望可以繼續保留。煎釀三寶🍢：有好多選擇，有青椒🫑/辣椒🌶️/紅腸/西蘭花🥦/雲吞🥟/魚蛋🍡/茄子🍆/豆腐，件件都鋪上好滿滿魚肉，又大件，全部新鮮炸起，熱辣辣食最好食。臭豆腐：又係一款懷舊食物買少見少，真正好食嘅更加難搵，佢哋嘅臭豆腐真心好食過出面好多有名嘅小食店，佢哋唔止嗅起嚟有臭味食落去都有嗰陣臭豆腐香味，配埋佢哋啲秘製甜醬辣醬食一流。串燒🍡：講得出既都有，仲有我最愛嘅豬🐽頸肉，佢哋全部都係即場燒起，熱辣辣，仲有唔同嘅調味粉揀，實有一款啱你口味。韭菜豬紅豬腸：雖然係一樣好普通嘅食物，但又對佢又愛又恨，佢哋嘅豬腸洗得好乾淨，肥瘦適中
今日決定小食🍢當晚飯，五點嘅幾都已經見到一堆人喺度排隊買嘢食，唔講咁多畀大家睇下我嗌咗啲咩嘢食。
肉碎狗仔🐶粉/肉碎銀針粉：每次嚟都必食，佢哋嘅狗仔粉🐶/銀針粉真係好有懷舊風味，而且份量都好多，入面仲有碎肉冬菇蝦米🦐，非常足料。
懷舊玩仔翅🍲：每次我都叫兩溝，即係魚翅+魚肉，雖然話係假翅，但條條都一樣好粗，魚肉又彈牙，真係越嚟越少地方有呢啲，真係好有食翅🍲嘅感覺，希望可以繼續保留。
煎釀三寶🍢：有好多選擇，有青椒🫑/辣椒🌶️/紅腸/西蘭花🥦/雲吞🥟/魚蛋🍡/茄子🍆/豆腐，件件都鋪上好滿滿魚肉，又大件，全部新鮮炸起，熱辣辣食最好食。
臭豆腐：又係一款懷舊食物買少見少，真正好食嘅更加難搵，佢哋嘅臭豆腐真心好食過出面好多有名嘅小食店，佢哋唔止嗅起嚟有臭味食落去都有嗰陣臭豆腐香味，配埋佢哋啲秘製甜醬辣醬食一流。
串燒🍡：講得出既都有，仲有我最愛嘅豬🐽頸肉，佢哋全部都係即場燒起，熱辣辣，仲有唔同嘅調味粉揀，實有一款啱你口味。
韭菜豬紅豬腸：雖然係一樣好普通嘅食物，但又對佢又愛又恨，佢哋嘅豬腸洗得好乾淨，肥瘦適中，加埋胡椒湯底好夾。
鹵水大雞髀🐔：滷得好入味，隻雞髀大過我塊面，價錢又平民。
總結：呢啲咪懷舊小食嘅地方真係買少見少，而且食物有咁有質素，真係要多啲去幫襯佢。
张贴
