大圍小食

营业中

休息中

知道大圍小食有好多款小食揀，之前食過煎饟三寶都覺得唔錯，今日落左大圍呢度買外賣試新野，買左鹵水雞翼雞翼尖同咖喱魚蛋，呢度好近地鐵站好方便，一出去過對面馬路就到   1. 鹵水雞翼雞翼尖 鹵水味道唔太入味，而且連色都唔入，只好點d汁黎令雞翼更入味，雞翼尚未夠淋，反而雞翼尖夠淋又夠味，可能面積比較小所以較易入味   2. 咖喱魚蛋 呢度o既咖喱魚蛋令我有驚喜，雖然好細粒但係好入味，咬落去好彈牙好爽口，咖喱味道比較特別，唔算太辣卻有少少沙嗲o既甜味，好似兩溝咁味道唔錯，同時咖喱汁份量都多，唔需要再配其他醬料都好味   ##大圍小食俾我o既印象都幾好，食物好夠熱之外員工會有禮，下次黎到再試下其他小食先