影片
更多
2017-04-11
378 浏览
同屋企人去觀塘食私房菜，叫左好多中式食品唷！醉香南非鮑魚是冷盤。醉鷄醉豬手就食過，醉鮑魚真係第一次食。以為鮑魚凍食可能會有鯹味啦，點知一入口，唔單止冇鯹味，花雕酒嘅酒香同鮑魚重出奇地夾。我重好唔捨得d酒，每食一啖點一下。實在太香啦～淮山杞子響螺雞湯落足湯料，雖然我唔係金舌頭，唔可以一試就試得出落左咩湯料，但係我試得出「住家湯」嘅味道～好清甜，雞味好出。佢個湯唔會好似出面茶餐廳啲味精湯咁飲完覺得好鹹好口渴，反而覺得好潤，好舒服。江南百花雞一上枱驟眼睇好似冇咩特別。係覺得賣相好靚，雞件切到方形，排得好整齊。西蘭花圍邊，雞的黃色皮同西蘭花嘅綠睇落寧舍醒神！一夾起，唔對路！點解啲雞肉咁奇怪嘅？真係估佢唔到，原來啲「雞肉」係蝦膠黎！好surprise！但係其實佢側邊都有「真 · 雞脾同真 · 雞翼」食嘅～哈哈！咁雞嘅其他部分去曬邊呢？店員話佢地攞左啲雞肉去做荷葉飯嘅餸。真係好有心思呀！紅燒元蹄用瓷器裝，下面重有點火保持溫度。嘩，隻元蹄好大舊呀！個瓷器有幾大佢就有幾大！職員好細心咁將元蹄切開。醬汁好入味，攞黎送荷葉飯啱曬！講番荷葉飯。佢用木盤裝住竹籠，好有古色古香feel。飯用荷葉墊低。啲料多到見
醉香南非鮑魚是冷盤。醉鷄醉豬手就食過，醉鮑魚真係第一次食。以為鮑魚凍食可能會有鯹味啦，點知一入口，
唔單止冇鯹味，花雕酒嘅酒香同鮑魚重出奇地夾。
我重好唔捨得d酒，每食一啖點一下。實在太香啦～
淮山杞子響螺雞湯落足湯料，雖然我唔係金舌頭，唔可以一試就試得出落左咩湯料，
但係我試得出「住家湯」嘅味道～
好清甜，雞味好出。
佢個湯唔會好似出面茶餐廳啲味精湯咁飲完覺得好鹹好口渴，
反而覺得好潤，好舒服。
江南百花雞一上枱驟眼睇好似冇咩特別。係覺得賣相好靚，雞件切到方形，排得好整齊。
西蘭花圍邊，雞的黃色皮同西蘭花嘅綠睇落寧舍醒神！
一夾起，唔對路！點解啲雞肉咁奇怪嘅？
真係估佢唔到，原來啲「雞肉」係蝦膠黎！好surprise！
但係其實佢側邊都有「真 · 雞脾同真 · 雞翼」食嘅～哈哈！
咁雞嘅其他部分去曬邊呢？
店員話佢地攞左啲雞肉去做荷葉飯嘅餸。真係好有心思呀！
紅燒元蹄用瓷器裝，下面重有點火保持溫度。嘩，隻元蹄好大舊呀！個瓷器有幾大佢就有幾大！
職員好細心咁將元蹄切開。醬汁好入味，攞黎送荷葉飯啱曬！
講番荷葉飯。佢用木盤裝住竹籠，好有古色古香feel。飯用荷葉墊低。啲料多到見唔到飯！
有紅棗、蟲草花、冬菇、雲耳同埋頭先講嘅雞。
食落好清香。紅燒元蹄同荷葉飯一濃一淡，送飯啱啱好。
蟲草花上湯浸時蔬用一個有圖案嘅大碗裝，而唔係隨便攞個湯碗裝就算，有啲藝術品嘅feel。
材料有蝦乾、草菇、蟲草花同菜心。
菜心好嫩，冇渣，爽口。
蝦乾雖然係配菜，出街食飯我通常都唔會專登夾黎食，
但係佢啲蝦乾都幾新鮮，唔會太細粒，
食落係新鮮嘅蝦味，唔錯。
百花蜜脆鱔用木盤盛載，以一朶洋紫荊伴碟。簡簡單單，樸素風我鐘意。佢啲鱔炸到睇落好似台灣啲鹽酥雞。
食落甜甜地，有啲似燻魚。外面啲脆粉唔會太厚，
唔會話啲脆粉多過肉，兩者比例一比一，啱啱好。
出街試過食鱔好鯹，初頭有啲猶豫。
點知食完一舊又一舊，完全冇鯹味重好滋味添！
海皇豆腐面頭有蔥花，芡汁有瑤柱絲，為平凡嘅豆腐添上貴氣。
豆腐豆味好濃，質感滑溜，好似食緊豆腐花。
美味佳餚怎少得甜點作結呢？甜品是奶凍。盛載著奶凍的是像一艘船的白色破璃器皿，
白色奶凍完全融入其中。
奶凍奶味濃郁，口感滑溜，吃後不會覺得甜膩。
這個甜品為這次美食饗宴劃上完美句號。
张贴
