點點心 (已搬遷) 新店位置

其實本身唔係太鍾意食點心 但係好不容易嗌到人地出黎陪我食嘢 話想食點心 當然會話okay 好彩呢間啲點心都真係okay 應該係因為有timeout介紹過 好多外國人喺度飲夜茶 一路望住自己嗌太多 眼闊肚窄既後果 一路望住嗌兩碟醬燒茄子既外國人 所以其實飲食文化唔係好同 如果會出單人份點心會唔會都唔錯呢 雖然都幾好食 但係完全唔覺得有好特別 唔知道 係唔係因為我唔係太識欣賞點心呢 馬拉糕係馬拉糕 鬆鬆軟軟既馬拉糕 腸粉幾好食 有味夠滑包住啲菇即使無肉都係好香 鮮竹卷正正路路啦 推介既茄子 雖然唔係入味到每一啖都有醬味 但係味道都係足夠既 推介 藥膳雞糯米飯就唔好提啦 唔識欣賞哈哈 唔鍾意點心真係唔駛試啦 因為不出意外都係點心既味道