Freshness Burger (已結業)

之前，Openrice送左100蚊coupon俾我。今日終於有得用啦，雖然係假期，但人流都唔算太多。只係比平日多少少。雙層芝士牛肉漢堡新鮮整好，一流。牛肉既肉汁多到"必"出黎，牛肉好有肉味而且入口鬆化。而配料都算新鮮既，不過個包可能比肉汁浸到淋哂，有失望。芝士煙肉薯皮芝士醬都算幾濃既，配上煙肉碎，幾好食架。而個薯皮好脆口，薯味豐富。凍意大利泡沫咖啡咖啡味好濃，面層既泡泡做得好靚。我覺得都幾好飲既，同呢度既Ice Mocha比呢個真係好好飲。雲呢拿布丁蛋味好濃郁，又唔算太甜。但係焦糖味同平時食開既有唔同，唔錯既。呢一餐要多謝Openrice，的食物唔錯，環境又企理，實會有下次既。