Freshness Burger (已結業)

這日與朋友在旺角新世紀廣場，午膳時間處處都是人龍，結果我們走到Freshness Burger。大家都好久沒有食過了，加上是我們走過的餐廳中唯一完全不用等候的，便一於食這個做午餐吧。 我選了份classic cheese burger combo，配wedges粗薯角，飲品換了柚子蘇打。在收銀櫃檯落好單後，便拿著號碼牌自由選位坐。當餐預備好時店員會送過來給客人。漢堡賣相不錯，顏色豐富有鮮綠的生菜，鮮紅的蕃茄片和鮮黃的芝士。可惜漢堡扒乾乾的兼只屬微溫（感覺是一早預備好只稍作翻熱），麵包亦很乾蹦蹦，味道十分一般，頗失望。一向愛吃粗薯條和薯角，但眼前這薯角同樣犯上不夠熱的毛病。這些又冷又乾的薯角，與美味談不上任何關係。全餐唯一最對板的是這杯凍柚子蘇打。柚子醬加入蘇打汽水，味道清新。我與朋友食完這餐後很明白為什麼午膳時間商場內餐廳處處等位的食客，而這裡卻任坐零等位。坐，的確是坐得舒適，不必與人逼。但是論食的話，以這餐的食物水準，還要約$70一份餐，我們絕對覺得如果到數鋪之隔的麥記會食得更滿足。…查看更多

旺角, 人多到不得了, 揾到間有位既就入去坐低了. 睇佢價錢, 預佢應該都好食既. 叫咗個最classic既combo~個飽又凍又乾, 啲菜同蕃茄又唔新鮮! 連塊肉都係又乾又唔好味, pat醬就更加唔駛講啦, 凍!啲薯條冇特別, 亦唔係新鮮出爐!賣點何在? 堅係差到喊!…查看更多

直至某天瀏覽團購網頁，方知道Freshness Burger全線只餘一店，對於喜歡漢堡的我，確實有些擔心這品牌還能在港經營多久。今午趁有半天補假，就前來換領早前買入的優惠券，該套餐包括特級牛肉芝士鮮堡/脆魚鮮堡，加上薯角/薯格/沙律和汽水，兩人餐只售$55。向店員展示團購券後，她即給我一個號碼牌，稍後便有人送上食物。主角特級牛肉芝士鮮堡材料豐富，芝麻包夾著牛肉漢堡扒、生菜、蕃茄、洋蔥、酸青瓜粒和車打芝士，再配上茄汁和黃芥末醬，顏色紅紅綠綠、黃黃啡啡非常奪目。由於Size超級巨型，吃的時候著實有些狼狽。雖然漢堡外型討好，味道卻相對地失色，其中最大的致命傷莫過於溫度不足，單看那塊未能溶化的芝士，已斷定出品難以叫人著迷。另外那塊牛肉扒比相像薄得多，而且煎得過乾，與宣傳品聲稱的「豐腴多汁」大相逕庭，肉味亦不夠濃郁。生菜則非常大片而且爽脆，番茄酸酸甜甜的夠新鮮，為漢堡挽回了一點分數。魚柳鮮堡的質素亦是一般，它同樣以芝麻包製作，包身質感普通不夠鬆軟，但包邊帶著烘過的焦香。魚柳既薄且細險被埋沒，外層的炸粉非常之厚，裏面的魚肉潔白柔軟，蘊含著輕微的魚腥味。中間的他他醬則做到恰到好處，味道酸酸的令人開胃，又能夠減低魚柳的油膩感。這個包亦夾著一片生菜，但用料卻與特級牛肉芝士鮮堡小巫見大巫，或許是價錢相對便宜吧，生菜亦下得相對吝嗇。薯角和薯格乃是這個套餐最出色的食物，想不到竟然是配角跑出了。首先取勝的是溫度夠熱，入口時還有少少燙喉，應該是剛剛製成的傑作。兩份炸物的口感各異，薯角披著一層薄薄的外皮，內裏是超厚極粉的薯蓉，咬下去有啖啖薯仔的感覺。薯格則相對地脆身，上面還加了惹味的調味料，有點點刺激的香辣感。難得的是，薯角和薯角都沒有過盛的油份，更加教人難以抗拒。之前有食家表示炸物的份量偏少，今次光顧又未遇到此情況。不過即使炸物做得多好，Freshness Burger還是以漢堡作為主打的，今次以優惠享用這個套餐，我尚可給予OK的評價，若要支付正價，我相信喊臉走不掉了。…查看更多

約咗舊同事食晚飯，因為佢唔食牛，我唔食海鮮，所以林食乜都有D頭痛。搵吓搵吓，原來我重張Freshness Burger團購重未用，雖然佢只有特級芝士牛肉堡或魚柳包兩款選擇，但就完全符合我同同事既要求，舊同事話去試吓無妨，Freshness Burger go go go！店舖位於火車站隔離既商場，所以落雨都唔會濕身(果日咁岩落好大雨)，而且位於商場一角，人流較少，較為清靜，岩晒朋友吹水(都幾多學生哥、朋友組合)去到好快落咗單系有少少難搵位，果晚差不多全場爆滿全間鋪得兩個人(包收銀、整野食同清潔)，所以我地等咗差不多十至十五分鐘先有得食。特級芝士牛肉堡微煎既洋蔥加番茄配埋茄汁同Mustard，正！生菜系本人偏好既一大片(真系各花入各眼)Juicy既牛肉又唔會煎得過老，唔錯同事既魚柳包佢話唔錯，味道OK由於我地想試多D野，所以跟餐一個薯格、一個薯角唔知系我地食得慢定佢地放得耐，兩個都「林林地」，薯角一來無乜味，二來都幾滯吓，我地最後都未能成功消滅佢，薯格比薯角好，起碼叫有D味因為我地兩個唔想飲汽水，所以每人加咗$3轉飲柚子蘇打，味道唔錯(請想像柚子蜜加蘇打水)，美中不足系太「冰」我地兩位飲完都很凍，同埋飲管太幼，飲飲下飲管好易俾柚子攝住用原價黎食對荷包有點太重，期待下次團購再來…查看更多

這是第一次在港吃Freshness Burger. 以往在日本吃過幾次, 但大多時都吃Mos Burger, 也以為Freshness Burger是美國快餐連鎖, 原來母親同樣是日本人!香港選擇太多, 沒必要不會吃快餐. 今次基於一直想試, 又有團購半價優惠, 心動買了二人餐, 才$55.距離團購劵到期不到一個月, 跟老公吃了我們的第一次. 現在只剩旺角新世紀一間, 座位約50個吧, 但不難找位置, 客人男性或情侶多. 團購只能選芝士牛肉或魚柳包, 也沒所謂吧~客人買完餐找好坐位, 待食物準備好會有店員拿到面前. 首先一句"唔好意思", 覺得這裡的員工年紀雖少, 但應有的禮貌存在. 芝士牛肉漢堡看過食評, 說不如麥記的雙層芝士漢堡, 但小妹覺得freshness burger較有質數, 或者是牛肉夠份量重手, 肉質多, 也有牛味.芝士不是遇熱會溶, 真的遜色了. 但一大片綠生菜, 不是我吃開的生菜絲, 沒口感. 魚柳包這個沒誠意的魚柳包, 那片魚柳的魚肉不多, 沙律醬不夠.個子太小, 吃完胃不佔3成.魚柳上也有一大片生菜, 有樣沒內餡. 炸薯角老公選了薯角(其實我想吃薯格....), 只要不是薯條就可以了~薯角很多, 用了3包蕃茄醬都不夠. 薯味不夠, 叫做填飽肚. 野菜沙律謝謝老公的貼心, 小妹每餐都需要蔬菜伴碟:) 野菜跟沙律汁分開上, 菜選多款及新鮮, 但好像紅蘿蔔等較硬的蔬菜, 用叉吃好不方便. 整體是不錯的. 柚子茶也要謝謝老公另一體貼, 但攪笑是柚子茶只有熱..........跟那個漢堡套餐不配. 我比較想喝可樂.餐飲轉柚子茶加$3, 只有熱飲. 味道同超市買回家的玻璃瓶裝一樣, 不甜.如要用正價用膳, 我一定不會再來. 唯有等下一次團購啦!…查看更多

因為之前團購了這裡二人套餐，所以第一次去食 Freshness Burger ，$55 二人餐又確實好似抵o既。食 Lunch ，十二點幾去到，冇乜人，唔駛等位。要左兩個 特級芝士牛肉鮮堡 套餐。等左大約 7-8 分鐘就有得食。特級芝士牛肉鮮堡個包好乾，裡面 d 生1菜，番茄，洋蔥唔太 fresh，好像凍冰冰的感覺，成個包都唔似一個漢堡咁，係將所有野放係張紙度咁。薯格同 KFC 果 d 分別不大，冇乜特別。若不是團購，要是用 $68 食一個套餐不太值得，倒不如食其他漢堡快餐吧。…查看更多

這店子一直給我的感覺就是慢工出細貨，或是進入店裡就是慢活的開始；這次是團購惹的禍，還是店員惹的禍？:(早陣子，友人說這家漢堡再推團購了，才$55就得二人餐，很划算；想起她的漢堡質素不差，當然歡歡喜喜的放進購物籃了！可惜，這卻是步進失望之谷的開始！先是其銷售手法的問題：在網頁強調星期一至日均可使用，卻隻字不提每日只限下午四時至六時方可使用；於是，我和朋友第一次來就碰灰了。:(好了，這次我們總算按時來了，店內當然是可預期的爆滿了！:(座位委實不寬闊，員工不斷往來送餐本應互讓也合理，但用餐至下午近六時，人潮減退，員工卻仍以自己方便為先，出入一聲、兩聲「可唔可以坐入啲呀？」於我而言，多一句「謝謝」是常識吧？加上其語氣、態度，實在令人不悅！:(:(:(強調即製的漢堡，坦白說，以一家快餐而言算是中上乘了。先說牛肉芝士漢堡。這次肉汁尚好，加上蕃茄鮮甜，吃著也不錯。唯一令人不悅是洋蔥太老，起渣。再說魚柳漢堡。炸魚柳很脆，不會太油，魚肉亦分明，不是一般雪藏貨色。可惜的是沙律醬太多，倒是它令人吃得有點膩！至於跟餐脆薯格，貨色參差：我的太油，薯格因油都稔了；但友人的卻超脆，一點不油膩！總結而言，食物水準不大穩定，本值一個「OK」，但加之其營商手法與服務質素，實在只能給她一個喊臉。…查看更多

Freshness Burger, never ever again!聽人地講FB好味..黎開諗住試一試~本身想試香菇包的~但沒有了..咁一場黎到不如試試佢話no.1 特級牛肉芝士鮮堡na~ 特級芝士牛肉鮮堡(芝麻包)等左好一會~黎到既係個又凍一乾一按會碎開既芝麻包上蓋~芝麻濕濕的..無香味..而下蓋係濕腍腍扁踢踢的..我好少食內餡係肉扒既包..係咪個個包既肉同哩塊一樣唔暖~同一掽佢就會散曬落黎架哩..?食到好淪盡..芝士都係原片凍凍的~唯一比較暖身既係塊油腍腍一邊燶燶地既洋蔥..... 我覺得最好美就係舊蕃茄na..連片菜都係有蟲窿同裡邊啡啡黃黃gu ...食食下仲有隻小昆蟲飛左上我包同我分甘同味..!! 薯角(加少許薯格)薯角裡面夾雜左少許薯格..兩樣都凍凍濕濕腍腍的..薯格既粉比較多..同落左好重調味~一對比薯角就變得好鹹好鹹.. Pure white tea幸好點了一杯Hot Pure White Tea.. 清淡一下..我真係好鐘意食包架..好耐無食過咁難食既夾包身na... :( 雖然個餐真係好難好難食..但實在太肚餓na..除左分俾小昆蟲果一小塊包仔之外~通通都食曬ya！... 唔知係咪個心唔係好滿足哩~一啲飽既感覺都無丫。希望佢既南瓜包會好啲啦..但我諗作為招牌既特級牛肉芝士鮮堡我都唔係咁喜歡..其他款無特別原因都唔會再試na~或者我未適應到通脹丫..用60幾蚊享用哩個餐..感覺真係唔係好值丫..…查看更多

叫個餐要等半個鐘架，所以要早d去同frd一齊食我同frd都叫左特級牛肉芝士鮮堡原來唔係全個包都係熱ga wor（仲諗住個cheese會溶），不過都ok我覺得都幾好食，至少個牛肉幾好食我地叫左一個薯角一個薯格，薯角係熱ge，薯格就室溫，er雖然呢d野凍熱都好食，但我諗薯格可以做得好d總括黎講團購價就抵ge，冇團購就唔食喇…查看更多

之前團購了這裡的二人套餐襯今天會到太子就把優惠卷用了吧套餐可選兩個牛/雞/魚柳的漢堡另外還可選配兩款小食選擇有薯格/薯角/沙律以及兩杯餐飲漢堡方面男友選了牛的 我則選了照燒雞小食我們就選了薯格及薯角餐飲我選了快餐的好拍檔 - 可樂男友就加$3 選了熱柚子蜜付款以後可以拿著號碼牌找位子店員稍後會把食物送上套餐很快便到了我的照燒雞漢堡樣子有點單調但其實味道是不錯的雞肉不太乾 而且我很喜歡照燒汁的味道:)如果生菜再新鮮一點就更好而且包很鬆化不像大企業的包 壓得死實實而男友的漢堡 樣子較為豐富牛肉看起來很乾但根據他的食後感呢吃起來倒不會太乾 還有肉汁呢而且包裡的燒烤汁很香不過略嫌熱度不足芝士都沒有溶化呢:(薯格和薯角都是新鮮炸起的薯格非常脆身薯角則走不同的路線相對淋身 不過咬下去啖啖薯仔還帶有薯皮的位置快餐我吃得多不過我喜歡這裡的自由度套餐可以加錢配不同的小食和飲品有洋蔥圈, 薯皮等而飲品除了有男友點的柚子蜜外還有朱古力 各式咖啡等這次的笑臉有一半要歸功於這裡給我的新鮮感啊…查看更多

今日有人買左團購,話冇人陪佢食,因為係$55二人餐,所以就拉左我黎啦,唔係好多人呀...都幾抵食既,我第一次食,不過就算團購都係用心制作,先去買野食,再埋位等人送上黎,D薯塊好熱好脆,個包D肉係好有牛味,不過唔太JUICY,不過整體都好好味的,D蔬果亦好新鮮,飲哂杯飲品個口仲有牛味,哈哈,個感覺好正,不過如果要我原價買,我未必會食啦~其實本人唔算好熱愛漢堡,不過整體都唔錯`所以給OK啦^^…查看更多

多年前試過一次，好記得個burger係凍冰冰既。近日見到團購幾抵，＄55 2 人餐，就買黎試多次睇下係上次黑仔定真係有問題啦。去到出奇地多人，可能大家都黎兌換團購餐，搵到位就去買餐啦。CASHIER前面個地下濕濕泣泣好污糟......等左好耐都無人黎執枱，15分鐘後仕應小姐送左個餐黎，見到張枱都無諗過執，最後忍唔住係佢第2次送餐比其他客人時出聲叫佢執。因為團購關係只可以揀2／7號餐，野飲只可以揀汽水／熱茶特級牛肉芝士鮮堡：凍既，味道非常普通魚柳鮮堡：完全睇唔出係魚柳，薄到差D以為佢忘記放餡料想拎去換成個包勁輕，食完好似無食過野咁朋友話個可樂有冰，但唔凍又無氣.好在我揀個茶係English Breakfast Tea jei幸好個沙律同薯角OK，不過似乎burger先係main course係咪應該要整番好D呢不過咁既質素就真係byebye, no next time…查看更多

效率奇差的一間快餐店，普通2個套餐，等候時間竟然要35分鐘 原先買了戲飛睇8pm, 7pm 落單，竟然要等到7：35pm先有得食，星期六晚全店只是有三個伙記（計埋執枱），包只是微温，burger king 都好過佢，格蘺枱仲上錯食物，咁的體驗真係一次就夠！！！ …查看更多

今次都係買團購二人餐！有三款包選擇︰特級牛肉芝士鮮堡, 照燒雞肉鮮堡、魚柳鮮堡我們選了特級牛肉芝士鮮堡, 照燒雞肉鮮堡可能團購效應，待應一見團購紙，態度麻麻，眼見全餐廳都係情侶多多，好難搵位。等候食物要15分鐘，專人送上食物，可惜食物質數下降。包暖暖的，較乾照燒雞肉，好少的沙律醬好失望。唯一較好的特級牛肉芝士鮮堡較好。價值$120二人套餐，現團購價$55就是成本價的質數。大家試吓吧！…查看更多

係網上買左張55蚊兩人餐:包兩個BURGER,兩份薯格同兩杯汽水...去到等左一陣就有位,不過成間店得三個人做野, 叫左餐都等左半小時左右先有野食..講返D食物,團購只可以選擇3款BURGER: 牛肉芝士,雞肉同魚柳1. 牛肉芝士 - 唔夠熱同D芝士唔溶,只屬一般....生菜FRESH!男友就M記既至尊漢堡仲好味!!如果要成60幾一個餐就真係唔太抵....2. 燒雞漢堡 - D 醬汁略甜,不過我鐘意所以都OK3. 薯格: 份量足,沒有因為團購而減料...熱熱的~~~好味~~~總括都OK~但原價若是12X, 未必再幫襯~…查看更多