影片
更多
2022-12-07
76 浏览
聽過聞名不如見面好耐，但今日終於知道呢句點解😍🤣😜上網聽過大圍嘅大圍小食，食物種類多又好食！重點由1998年開始，屹立咗 喺大圍接近20年既老店！不過呢樣都唔係重點， 佢出名嘅地方係性價比超高，所有嘢食都係大件抵食夾好食！對於我呢啲大胃娘娘簡直就係天堂 😍不過大圍對我黎講都算遠，平時十年都唔去一次🤣😝今日去附近錄音做野，終於有機會光顧！佢喺大圍地鐵站，一出就見到，都喺個好著眼嘅位置，好方便就搵到👍 一去到首先映入眼簾嘅係長長嘅人龍， 一去到已經聽到店員同客人打牙骹，慰問下佢工作忙唔忙點解咁耐唔見等等短短嘅寒暄已經感受到濃濃的街坊人情味😍果然係做街坊生意起家 ，i like it 🥰🥰聽說佢嘅辣醬魚蛋燒賣羅左香港特色美食嘅冠軍，咁鬼勁我梗係要試下佢 😋 佢嘅車打芝士椒鹽燒賣， 串燒豬頸肉， 司華力腸， 古法臭豆腐都係 必食之選,就等我為食霏霏同大家一一剖析每種美食啦 ！串燒豬頸肉 我最鍾意就係佢有唔同嘅 辣粉畀我哋揀 有 黑椒，孜然粉， 七味粉等等應有盡有，滿足曬想食唔同辣味嘅咁多位🤩串燒嘅沙爹汁非常之香濃，仲食到微微的炭燒味道，豬頸肉調味適中，口感有嚼勁， 呢排世界杯一路食住豬頸肉一
上網聽過大圍嘅大圍小食，食物種類多又好食！重點由1998年開始，屹立咗 喺大圍接近20年既老店！
不過呢樣都唔係重點， 佢出名嘅地方係性價比超高，所有嘢食都係大件抵食夾好食！對於我呢啲大胃娘娘簡直就係天堂 😍
不過大圍對我黎講都算遠，平時十年都唔去一次🤣😝
今日去附近錄音做野，終於有機會光顧！
佢喺大圍地鐵站，一出就見到，都喺個好著眼嘅位置，好方便就搵到👍
一去到首先映入眼簾嘅係長長嘅人龍， 一去到已經聽到店員同客人打牙骹，慰問下佢工作忙唔忙點解咁耐唔見等等
短短嘅寒暄已經感受到濃濃的街坊人情味😍
果然係做街坊生意起家 ，i like it 🥰🥰
聽說佢嘅辣醬魚蛋燒賣羅左香港特色美食嘅冠軍，咁鬼勁我梗係要試下佢 😋
佢嘅車打芝士椒鹽燒賣， 串燒豬頸肉， 司華力腸， 古法臭豆腐都係 必食之選,就等我為食霏霏同大家一一剖析每種美食啦 ！
串燒豬頸肉
我最鍾意就係佢有唔同嘅 辣粉畀我哋揀
有 黑椒，孜然粉， 七味粉等等應有盡有，滿足曬想食唔同辣味嘅咁多位🤩
串燒嘅沙爹汁非常之香濃，仲食到微微的炭燒味道，豬頸肉調味適中，口感有嚼勁， 呢排世界杯一路食住豬頸肉一路配啤酒睇波簡直絕配！
古法臭豆腐
喺個盒出面已經問到夠曬臭😌
由細到大都鍾意食臭豆腐嘅我對於呢種臭味，簡直流曬口水。佢地將臭豆腐炸得夠哂乾身香脆😘
仲帶有陣陣豆香，咬感好好， 臭豆腐 一口入面嘅豆腐融入落我口入面，好難形容既正（鐘意 食臭豆腐明我講咩🤣）
煎釀三寶
呢個應該係煎釀多寶😝， 因為真係好多選擇羅！
除左一般都有茄子、紅腸、青椒同豆腐，仲有超大粒炸魚旦🌕
炸韮菜餃子同西蘭花🥦魚肉，對我嚟講都係新嘢， 因為出面真係食唔到
我最鍾意就係佢件件都咁大件，好有口感又非常juicy！
燒賣魚蛋
其實我係沖住燒賣魚蛋而黎，佢嘅燒賣係16/17年之前羅金獎， 咁就一定要試下！ 一食之下原來個賣點喺咖哩醬度， 夠辣夠惹味， 出面都食唔到， 梗係啦人哋自家製㗎！😍
碗仔翅
當日我外賣返去同工作夥伴一齊食， 仲諗住到咗屋企碗仔翅都應該淋曬變水變味，點知質地仍然好杰身！🤩
佢地仲好足料，每一啖都到食到冬菇、雞絲、竹笙及木耳絲，加埋麻油同醋呢d醬汁，惹味又好味！😋
懷舊糯米飯
正所謂秋風起食臘味，呢個時節食糯米飯配臘腸潤腸簡直係啱曬時令❗
糯米煙煙韌韌，配合埋雙腸既油香、蔥花同花生，口感豐富，大大盒好飽肚！ 食完之後成個人都暖曬！
韭菜豬紅加蘿蔔
湯底係胡椒湯底， 姐姐仲好好地幫我分曬湯
個湯底淡淡嘅胡椒辣味，蘿蔔吸收晒湯嘅精華，豬紅煮得又鬆又軟, 所有配料配合得好好，大家一定要試！
呢間既狗仔粉，唔似出面嗰啲冇乜嚼勁， 反而有啲烏冬嘅感覺有咬口🤤
如果食得辣，一定要加辣菜脯
菜脯大舊爽口 但真係辣！
食開譚仔中至大辣會覺得好正
作為辣妹嘅我當然食到舐舐脷🤗😋
（伙伴食左一半就放棄左🤣）
炸大腸
炸大腸精粹係內籠要清得乾淨， 炸得夠香脆
小食店姐姐處理得好好，完全冇污糟嘢喺裏面，都冇多餘嘅油脂，香脆可口，加埋辣椒醬食簡直perfect池！.
車打芝士椒鹽燒賣
🧀芝士配燒賣第一次食， 都係抱住試下嘅心情冇乜特別想法， 但食落感覺好特別❗
佢嘅做法係炸咗既燒賣再配椒鹽粉, 最後再落車打芝士醬，個醬汁有陣陣芝士味配埋椒鹽味食又真係估唔到幾夾！
十幾年街坊老店，除咗又唔同種類嘅街頭美食畀我哋選擇，基本上小食店應該有嘅嘢佢都有齊曬，對於選擇困難症嘅為食寶寶可能會好痛苦 （因為樣樣都好食真係好難揀🤣）
但我最鍾意嘅係佢嘅性價比超級高，就算買曬唔同種類嘅嘢食返去慢慢食都唔肉痛，當然而家世界盃🥅時節買曬返屋企同朋友家人，睇波飲住啤酒🍻🍺慢慢歎係最佳之選！而街坊老店嘅人情味都係我最喜愛嘅環節之一！
相信冇幾耐我就會返嚟再光顧，唔使等到下次工作先嚟，因為真係會忍唔住🤣🤣🤣😍🤗❤️
张贴
