台北巷弄 (已結業)

今日收工遲左唯有買外賣返屋企食，呢間係將軍澳廣場入面新開嘅台北巷弄，有堂食座位，不過呢啲時世真係外賣穩陣。呢度有部提示器通知你黎攞食物。本身餐湯有紅蘿蔔蘿蔔粒。手切滷肉便當（$50）便當有跟芝麻菠菜仲有酸酸地嘅雜菜，夠曬開胃！台式排骨便當（$60）台灣嘢唔係只有鹽酥雞，仲有排骨！呢個好有心將飯同配菜分開兩層。排骨都幾大塊！調味剛好唔會過鹹。小食半份-花枝丸（$13）感覺唔算好油膩，食落彈牙。芋泥奶茶（原價$30，跟餐減$10）芋泥本身自帶甜味，個味道同奶又超夾！正啊！揀左少甜，感覺甜度剛好！三寶奶茶 （原價$26，跟餐減$10）有紅豆、珍珠、仙草凍！隻杯超大超高！，飲落每啖都係有料嘅，超滿足！呢度嘅包裝都好好，攞住行番屋企都依然靚仔，而且過左3個字都依然暖暖。