CURATOR Art & Café (已結業)

因應政府嘅抗疫措施，晚上只可外賣、不能堂食。今日我就試咗CURATOR嘅外賣。外賣餐目有別於堂食，而且價錢合理，係唔錯既選擇。巴馬臣芝士烤雞胸凱撒沙律份量都幾多，配有麻醬同藍莓醬。烤雞胸肉好嫩滑。有好多巴馬臣芝士碎，即使外賣，沙律菜都依然新鮮。成個沙津點麻醬同藍莓醬同有唔同嘅味覺享受。波士頓龍蝦湯配高級脆皮法包一打開蓋，香濃嘅龍蝦味即時湧出來。湯嘅龍蝦味同忌廉味亦好香濃，兩者味道平衡。飲湯時將脆皮法包沾上濃郁的湯，真係好好味。白汁芝士焗大蝦醬意粉意粉用咗我最中意嘅扁意粉。大蝦新鮮好彈牙，露荀、椒仔清甜。芝士味濃而不膩。日風湯咖哩牛肉烏冬配秋葵咖哩為日式風味，所以有咖哩香而唔辣。牛肉係薄切肥牛片，所以一啲都唔會韌，充滿牛香同油脂香。招牌芝士牛肉漢堡配薯條依個漢堡真係好好食，青瓜片竟然底面都有。牛肉漢堡牛肉味超香，而且漢堡肉唔實，有點咬口。美中不足嘅係餐廳無俾茄汁我點薯條。最後食埋蜂蜜蘋果金寶芝士蛋糕。雖然甜品只得一款，但都好好味。