影片
更多
2023-01-15
41 浏览
立志想巡遊下香港嘅壽喜燒，朋友報料呢間食過好正，入嚟一眼見到個setting就諗起喺日本嘅回憶，全部食客圍住廚師吧枱望住中間堂煮，同時大家有一定距離，感覺好chill，難怪唔少人都黎慶生。由前菜開始就覺得物有所值，辣鮟鱇魚肝甘香柔潤，磯燒鮑魚因為用咗比較大嘅鮑魚，特別煙韌彈牙，調味亦都比一般食到嘅清新，好味到同朋友有衝動想問有冇得大手買返屋企食。見到刺身厚切捲起已經食指大動，深海池魚新鮮魚味濃，大拖羅魚油爆曬出嚟好甘香，最鍾意當然係帆立貝柔嫩鮮甜，作為套餐嘅刺身前菜非常唔錯。茶碗蒸好特別地加左墨汁同魷魚仔，蒸蛋本身當然好滑，墨汁仲加添左一絲鮮味，唔錯。海膽和牛他他好新鮮，海膽夠甜，平時少食生牛肉都覺得和牛他他好易入口，完全唔腥，尤其撈左鵪鶉蛋同梨一齊食好夾。美國熟成牛捲京蔥輕輕煎香，再點蛋味極濃嘅蘭王蛋一齊食，簡簡單單已經好香好好食。 熟成牛本身牛味已經濃，咬落去京蔥爽彈嘅口感好突出，濃郁嘅牛味、蛋味同蔥香交纏，令我好期待之後嘅壽喜燒。牛舌淨係睇個配搭都好精彩，酸汁、洋蔥絲同淡雪鹽令到本身牛味唔算好濃嘅牛舌味道變得好豐富，彈牙厚切嘅牛舌夾埋爽脆嘅洋蔥口感好好。之後嚟到重頭戲，和牛肉眼同
由前菜開始就覺得物有所值，辣鮟鱇魚肝甘香柔潤，磯燒鮑魚因為用咗比較大嘅鮑魚，特別煙韌彈牙，調味亦都比一般食到嘅清新，好味到同朋友有衝動想問有冇得大手買返屋企食。
見到刺身厚切捲起已經食指大動，深海池魚新鮮魚味濃，大拖羅魚油爆曬出嚟好甘香，最鍾意當然係帆立貝柔嫩鮮甜，作為套餐嘅刺身前菜非常唔錯。
茶碗蒸好特別地加左墨汁同魷魚仔，蒸蛋本身當然好滑，墨汁仲加添左一絲鮮味，唔錯。
海膽和牛他他好新鮮，海膽夠甜，平時少食生牛肉都覺得和牛他他好易入口，完全唔腥，尤其撈左鵪鶉蛋同梨一齊食好夾。
美國熟成牛捲京蔥輕輕煎香，再點蛋味極濃嘅蘭王蛋一齊食，簡簡單單已經好香好好食。 熟成牛本身牛味已經濃，咬落去京蔥爽彈嘅口感好突出，濃郁嘅牛味、蛋味同蔥香交纏，令我好期待之後嘅壽喜燒。
牛舌淨係睇個配搭都好精彩，酸汁、洋蔥絲同淡雪鹽令到本身牛味唔算好濃嘅牛舌味道變得好豐富，彈牙厚切嘅牛舌夾埋爽脆嘅洋蔥口感好好。
之後嚟到重頭戲，和牛肉眼同西冷都分別以正宗壽喜燒嘅方式，逐片加醬汁輕輕煮幾秒。 肉眼堪稱完美，喺僅僅熟嗰秒呈上，點埋滑溜嘅黃雞蛋，甘香軟滑，尤其肉眼切得有一定厚度，完全感受到個油花分布，有食緊大拖羅嘅感動。
西冷又係另一種感覺，同樣軟腍，但肉味好濃，係好純粹強烈嘅牛味。 好多時壽喜燒都只可以揀一款肉，呢度可以是兩個截然不同嘅部位，係好好嘅體驗。 我尤其鍾意廚師會即席將豆腐同野菜煎香用作壽喜燒，有別於坊間就咁一個拼盤咁放湯就算，做得到喺日本食壽喜燒嘅感覺。
滿溢筋子釜飯最開心嘅係有三文魚籽放題，我諗成碗落晒佢都唔會阻止你，不過三文魚子本身帶咸，其實唔使太多已經好夠味，撈飯食有啲鹹香同鮮味幾好。
张贴
