炑

营业中

休息中

尖沙咀炑有個好抵食嘅午餐set，有幾個唔同價錢，今日食嘅係：玄套餐前菜北海道白粟米，入口清甜，生食完全冇草腥味石川縣金絲瓜配青瓜，金絲瓜醃製過酸酸哋幾開胃，青瓜爽甜好fresh北海道瀨尿蝦茶壺蒸，用高湯蒸嘅滑蛋滑到不得了，再加上瀨尿蝦，鮮上加鮮刺身有北海道水八瓜魚，觸鬚好軟滑，而吸盤就爽脆，兩種唔同口感長崎縣產赤貝，上面灑上少少柚子皮，香味即時加分，而貝肉嘅鮮甜爽口，食得出新鮮西京燒北海道銀鱈魚，魚塊比想像中大，燒到皮香脆，魚肉好滑，油份照豐富，好食到停唔到口蒸蝦丸，用上三種蝦：海蝦，虎蝦及花竹蝦，裡面仲有粒粒蝦肉粒，口感豐富。而淋面嘅醬汁係用蝦頭膏煮成，所以鮮味爆燈北海道帆立貝天婦羅，炸到入面仲有少少生，有熟帶子口感又有刺身帶子鮮甜，加上少少山椒粒，畫龍點睛熊本縣茄子天婦羅，炸漿薄，表皮脆裏面仍然水份豐富，食到茄子本身嘅鮮甜結尾有滑蛋和牛飯，類似親子丼嘅做法，將雞肉改成和牛粒，出奇地夾赤味噌麵豉湯甜品係益力多味雪糕