十和田 (已結業)

附近有新開嘅日本餐廳，見尖沙咀總店係openrice有好多好評，於是同朋友黎試下😛 午餐時間都幾多人下，全部滿座，要食就記住早d黎攞位。午餐包左一碗麵豉湯同茶碗蒸。麵豉湯入面嘅材料唔多，如果多d昆布就更好，不過湯係熱辣辣嘅，非常暖胃。而茶碗蒸就口感細滑，有香濃蛋香。火炙牛肉湯烏冬湯底略鹹，但烏冬軟硬適中，牛肉有三大塊，唔會過於韌，幾有咬口，仲有小量蔬菜。午市壽司套餐(廚師發辦)相比起烏冬等熱食，我覺得呢度嘅刺身同壽司性價比更高。呢個壽司套餐有好多唔同種類嘅壽司，例如三文魚，左口魚，蟹籽，吞拿魚，赤海蝦，穴子，海膽等。特別推介左口魚壽司同埋穴子，左口魚食落非常鮮味，非常滑，好似融化左係口入面咁；穴子睇落好似鰻魚，但顏色比鰻魚淺，味道都係十分鮮味同嫩滑，值得嘗試。