影片
更多
2021-07-18
728 浏览
传统嘅冬菇亭大排档喺香港已经所剩无几，但原来喺长洲仲保留住一个！有长洲嘅老街坊就向我哋推介呢间屹立超过40年嘅莲香咖啡，餐厅由第一代传到第二代，八十后嘅老板放弃文职工作，坚守大排档情怀，为街坊保留熟悉嘅味道，更新增唔少嘅创意食物，让大排档加入青春活力。招牌炸猪扒、香炸鸡中翼猪扒同鸡翼都系即叫即炸，够晒热辣辣！猪扒预先切件，食嘅时候够晒方便！味道方面，腌得入味，咸香十足，而猪扒口感非常松化，亦保持住肉味，绝对系莲香嘅招牌名物之一。至于鸡中翼非常香脆，咬落去嘅时候，劲多肉汁。沙嗲新鲜牛肉米通沙嗲牛肉同公仔面系知己朋友，但沙嗲牛肉同米通就好似牛郎织女咁，可遇不可求，因为市面上有米通食嘅地方唔多，难得见到，就一定选择米通啦！上枱嘅时候，以为牛肉份量唔多，但一路食，先知入面仲有劲多牛肉，相信系煮嘅时候，将沙嗲、牛肉同米通捞匀，令米通同牛肉更索汁。沙嗲当然系主角啦，沙嗲味香浓，仲带有花生香，原来汤底加入咗好多花生碎粒，所以食嘅时候好有口感！牛肉采用新鲜牛肉，非常嫩滑！至于米通除咗外表索晒沙嗲汁，就连通心嘅部份亦注满沙嗲汁，真系超满足呀！沙嗲爽滑猪润配自家制韮菜饺濑粉一座建筑物，除咗外墙嘅装饰，地基
招牌炸猪扒、香炸鸡中翼
猪扒同鸡翼都系即叫即炸，够晒热辣辣！猪扒预先切件，食嘅时候够晒方便！味道方面，腌得入味，咸香十足，而猪扒口感非常松化，亦保持住肉味，绝对系莲香嘅招牌名物之一。至于鸡中翼非常香脆，咬落去嘅时候，劲多肉汁。
招牌炸猪扒、香炸鸡中翼
13 浏览
0 赞好
0 留言
沙嗲新鲜牛肉米通
沙嗲牛肉同公仔面系知己朋友，但沙嗲牛肉同米通就好似牛郎织女咁，可遇不可求，因为市面上有米通食嘅地方唔多，难得见到，就一定选择米通啦！上枱嘅时候，以为牛肉份量唔多，但一路食，先知入面仲有劲多牛肉，相信系煮嘅时候，将沙嗲、牛肉同米通捞匀，令米通同牛肉更索汁。沙嗲当然系主角啦，沙嗲味香浓，仲带有花生香，原来汤底加入咗好多花生碎粒，所以食嘅时候好有口感！牛肉采用新鲜牛肉，非常嫩滑！至于米通除咗外表索晒沙嗲汁，就连通心嘅部份亦注满沙嗲汁，真系超满足呀！
沙嗲新鲜牛肉米通
33 浏览
0 赞好
0 留言
沙嗲爽滑猪润配自家制韮菜饺濑粉
一座建筑物，除咗外墙嘅装饰，地基都要好稳固。讲紧嘅系除咗沙嗲够香浓，其实本身嘅汤底亦花咗唔少功夫，用猪骨熬制，所以味道够厚实。除咗牛肉之外，原来猪润同沙嗲都劲夹！猪润煮到啱啱好，唔会太老，而且无苦味够新鲜，口感爽滑。至于韮菜饺系每日自家新鲜制造，馅料丰富，涨卜卜，韮菜劲多。
沙嗲爽滑猪润配自家制韮菜饺濑粉
33 浏览
0 赞好
0 留言
雪糕芝麻西多士
讲到大排档嘅美食，又点少得西多士呢！西多士上面有牛油同炼奶，因为夏天炎热，我哋另外加咗雪糕球，令即叫即炸嘅西多士，加添冰火交融嘅感觉。以为有炼奶又有雪糕就一定好甜？店主特别喺西多士入边加入芝麻，除咗可以中和甜味，更可以令味道有多重层次。
雪糕芝麻西多士
37 浏览
0 赞好
0 留言
雪糕菠萝包
同样系冰火交融嘅又点止西多士呢？仲有呢个雪糕菠萝包！菠萝包外皮超松脆，面包软熟，热辣辣嘅中间夹住一球朱古力雪糕。食嘅时候虽然会好论尽，但一层热、一层冻又一层热嘅刺激感，真系又high又dirty！
雪糕菠萝包
25 浏览
0 赞好
0 留言
冻柠茶
莲香出名嘅系奶茶，有唔少街坊都习惯嚟到叹杯热奶茶再坐船出中环。可惜我哋都唔饮奶茶，于是就叫咗杯冻柠茶，值得回味嘅当然系浓香嘅茶胆，够清香又解喝。
冻柠茶
9 浏览
1 赞好
0 留言
雪糕红豆冰
呢度嘅红豆冰同出边嘅红豆冰好唔同，听店主讲佢哋系采用日本红豆，所以每粒红豆都大大粒，另外，佢哋刻意减少红豆蓉嘅比例，以增加红豆控对红豆口感嘅执著。最后，上面放上云呢拿雪糕，令奶香level up，又香又滑。
雪糕红豆冰
13 浏览
0 赞好
0 留言
后记：八十后嘅店主夫妇虽然系二代长洲人，但同一班老街坊依然打成一片，互相问候。所以莲香为街坊提供嘅除咗系一杯奶茶，莲香更加系佢哋每日嘅聚脚点，系一个充满人情味嘅地方。
张贴
