蓮香咖啡

营业中

休息中

長洲次次都會食陳通記，但Soy Egg 🥚同9 Flag 🏳️傻仔左🤡唔知佢星期一唔開😟好彩咁岩見到佢隔離蓮香咖啡都有沙嗲牛米通🐄🎉本身以頂下癮既心態去食，點知又幾有驚喜喎😋必試: 沙嗲牛肉通🐄是但總結: 入到長洲想食沙嗲牛肉米通🐄可以考慮下依間😍是但食評🌟💬✰環境😋 地踎大排檔 香港情懷😋無華麗既裝潢🏡得D紅色 綠色膠櫈🪑同埋D摺枱你可以話簡陋 但對我地黎講係情懷雖然大排檔格局 但無話污嘈都企企理理😋食食下仲有貓撩你玩🐈✰沙嗲牛肉米通 ($37) 🐄 濃郁沙嗲配滑溜米通 一流😍滿滿花生香🥜 你會食到一粒粒既花生碎🥜沙嗲有小小起沙果隻感覺加上小小既辣度 令到個湯更惹味🌶️牛係滑牛 都算嫩滑同有肉香🐄米通軟硬適中 保留到小小嚼勁 夠滑溜D沙嗲湯入晒米通既中間🥜沙嗲味加埋米通既口感真係一流😍✰斑蘭咖央多 ($16) 🍞 一般😟斑蘭咖央醬唔夠多🍃打開得超薄一浸味道唔夠出 包都烘得太乾🍞整體唔吸引😟

本來打算再選長洲陳通記，無奈太多人等而且都準備截單，唯有試下旁邊的這家「蓮香咖啡」，位於同一個大牌檔。炸豬扒米通粉加$6轉沙爹湯底，配米通粉食的確好掛湯。但味道相對欠缺層次，而且略為偏咸。豬扒唔夠淋，比較難咬。新鮮牛肉公仔麵都是加了$6轉沙爹湯底，但沙爹湯底味道跟公仔麵沒有跟米通粉般夾。牛肉都尚算新鮮。鮮油多相對失望的食物。烘得唔夠均勻，多士有部分烘得太燶，有部份卻唔夠脆。而且牛油很細件，感覺不太良好。

訓醒無食早餐留定肚就入黎食蓮香喇！ 11點幾豬潤已經賣曬，轉食魷魚麵，加6蚊有沙嗲，試下先，出奇地好味！！ 分左2舊俾honey 換左2舊佢點既豬扒，都唔錯喎！ 無餐全部散叫，加多杯凍檸茶。

噚晚晌渡假屋瞓得麻麻，啲隔音好差，隔離單位嘅外國人又玩到半夜三更，不過，都照原定計劃，今早早起，晌長洲食埋早餐先走，然後搭橫水渡過坪洲玩多半日。晌市區都越嚟越少大牌檔、冬菇亭，所以，早餐專登嚟到「蓮香」試試。 環境地踎，但對好多香港人嚟講，喺一份情懷，圓摺枱、膠櫈、大牛角扇……等等，好多細細個嘅片段都返晒嚟，甚具年月嘅痕跡。雖然地方簡陋，但都算乾淨企理，我哋又喺一早嚟，客人亦唔多。餐牌底面兩頁，一面嘢食，一面飲品，唔好當正佢喺時下慣常去嘅茶記，選擇唔算多，定價本來唔算貴，但全部嘢都喺散點，無話早餐、午餐、套餐之類，好多嘢又要另外加錢，所以，夾埋以茶記而言，就會感覺有啲貴，好似我哋兩公婆叫兩碗粉麵，加兩杯熱飲，就已經近一嚿水。自家製韭菜餃米粉 $29本來有款心水嘅韭菜餃，仲要喺店家推介，老婆都滿心歡喜，隻隻包得好大粒，塞滿晒餡，睇樣真喺好對辦，不過，咬一口就唔收貨，佢話啲餃質感好粉，照道理自家製應該唔會咁差，但小弟食一粒，又真喺粉得交關，口感絕對好奇怪，喺噚日賣剩雪過嚟都唔應該會喺咁，故此，只好由小弟頂咗去，同佢對換啲餸嚟食。沙嗲新鮮牛肉公仔麵 $35本應叫個新鮮牛肉公仔麵只收$29，但

見openrice咁多人推介,諗住快食個常餐ok~點知,真係伏到喊…佢個menu無乜嘢食,又無餐,都幾貴...我本來想叫鮮魷米,但無鮮魷...哥一刻已經想走…後來叫咗豬潤米~豬潤米由豬潤到湯都係無味...中間仲要唔熟……另一半叫咗炸雞翼米通,米通幾煙韌特別~但啲雞翼放入湯麵底,真係唔該晒...你放面我都還可以接受,好多茶記都係~但你放底,佢腍到咁徹底,你係想點呢?兩杯嘢飲足料唔會淡,係當中最好嘅嘢~芝麻奶多正正常常無特別~唔明點解咁多人食…

成日都話炸嘢冇難度，乜嘢都掉晒落油鑊度炸熟佢，只要唔好炸燶就OK啦，不過你食得越多炸嘢，你就越知道其實要揸得好食都唔係咁簡單，而呢檔大排檔炸嘢就真係唔錯。我哋去咗炸豬扒同埋炸雞翼，炸豬扒佢就話係招牌菜，當然好食啦，不過佢個炸雞翼都唔錯，首先就係豬扒同雞翼冇雪味，當然大前題我唔信佢會用新鮮貨啦，所以無雪味係非常重要，第二就係豬有豬味雞有雞味，呢個咁普通嘅嘢好多地方都做唔到㗎，第三就係無油益味，呢個就難度更高。另外仲叫咗個自家製韭菜餃，味道OK，啲餡料都幾新鮮。飲品就叫了紅豆冰同埋熱檸蜜，飽晒。

聽講在長洲的大排檔有好多檔都真材實料而且好好味，今日就幫襯了這一檔，簡簡單單的奶茶同多士，不過就做出不簡單的好味道。先講杯奶茶，奶同茶嘅比例做到啱啱好，有奶味又有茶味，而且都幾滑，高質。多士就無揀到D傳統口味，反而叫咗個黑芝麻醬煉奶多士，味道都唔錯，佢唔會好甜，所以幾啱我。另外佢個多士都做得幾好，唔會求求其其烘到個面有少少燶就叫多士，佢真係烘得好乾身而且仲有少少脆。佢個餐牌似乎仲有好多好野食，下次一定會再黎試吓。

上網睇，入長洲必食其中之一，所以我們就一早起身去試試1) 沙嗲牛肉米通 - 外貌一搬，是長通粉，但個窿冇長通粉咁大。一入口，很滑，非常之滑嘅通粉👍🏻，沙嗲汁味道非常之好，很重花生香味。牛肉很淋，唔韌。👍🏻👍🏻2) 黑芝麻奶多 - 麵包很趣口，芝麻醬非常多👍🏻，一啲都唔孤寒😂，非常好味👍🏻3) 果占多 - 果占是桃味，一搬，不是太有特色4) 炸豬扒 - 家常便飯炸豬扒，OK👌5) 紅豆冰，凍檸賓，凍咖啡奶茶

重陽節 #長洲遊，放假入去離島真係勁多人，不過坐9點半船又未好爆。第一站就係到 ✨蓮香咖啡✨ 食早餐🌈沙嗲牛肉米通 + 鹹檸碧沙嗲牛肉米通 ~ 沙嗲微微辣好刺激，食落夾雜花生碎，花生香慢慢滲出，加上牛肉鮮嫩配上米通真係好滋味鹹檸碧 ~ 檸檬酸同鹹味好夾，混合埋雪碧好清爽好醒胃🌈冬菇肉碎米通 + 凍奶茶冬菇肉碎食落清清地，岩小朋友食。奶茶茶味夠，茶餐廳口味。🌈雪菜紅腸公仔麵 + 凍檸茶紅腸煎過好香口檸檬正常水平。埋單 $152

留港幾年冇得去旅行， 耐唔耐平日放假避免公眾假期都會入長洲當去個旅行。如果假多有時仲會約埋朋友一齊租間可以燒烤嘅渡假屋開野火大會。😍午前十點幾入去食完早餐，跟住全島行一咗個圈，諗住再去市政街市度買海鮮食材等到夜晚BBQ。🤤入去市政街市之前會經過幾間各有特色排檔，行完一段時間大家不約而同都話搵食醫肚。😁兜個圈見到蓮香食物啱大家口味所以就坐底。各自各點，我就揀最愛沙嗲牛肉麵，😍例牌麵要食爽。😅麵到見到濃濃嘅湯底，飲一啖好香濃沙嗲花生味，唔味精正！麵餅有別於其他大部份餐廳用方形而係圓形，麵條較粗身彈牙曲曲哋好掛汁，牛肉冇醃製過龍牛味在有口感，最後連湯都飲晒正呀！😋😋😋😋😋

🌟食完魚蛋就要食lunch啦，上次入長洲食左通記沙爹通，今次想試下蓮香嘅沙爹牛肉米通。🍲沙爹牛肉米通43蚊: 湯底沙爹味非常香濃，好多碎花生，用料十足，牛肉又嫩又滑，米通索曬Ｄ沙爹汁，超好味😋🍜沙爹牛肉面41蚊：湯底一樣，正常公仔面，多左Ｄ生菜，一樣甘好食😋🧋凍奶茶同凍咖啡無得跟餐，要散叫19蚊杯奶茶茶底香濃，茶味的比例比奶味重，好順滑，非常好味的港式絲襪奶茶👍咖啡都好香濃，正宗港式茶餐廳咖啡味道🥰服務都算唔錯，就系天氣太熱，無冷氣真系熱死人😩不過咁好食都系值得。

冇得去旅行喺香港周圍搵嘢食入長洲旅行 蓮香有驚喜！肉類就揀自己鍾意嘅上次食過牛肉今次食豬扒一樣出色👍🏽湯底推介沙嗲或紫菜！沙嗲好濃！ 👍🏽仲有出面好少食到嘅米通真心好食店員見我飲晒啲湯 另外俾咗碗豬骨湯我加落去食沙嗲味淡咗但都算唔錯同行朋友食炸雞翼紫菜公仔麵一樣都係出色👍🏽炸雞翼可以叫佢另上咁就唔會浸到淋晒不過冇得跟餐 嘢飲另外收費不過都係50蚊左右 可以接受所以各位如果去長洲玩嘅朋友不妨可以一試 另外我坐戶外冇冷氣可能遲啲夏天會比較熱我去嗰日天氣唔算太熱所以可以接受！

一家人遊長洲，一早起身擦完牙就出發，坐九點九船入去食早餐早一晚已經睇左兩三間食店，最後決定去食✨蓮香咖啡✨冇套餐，係自己選配，加配沙嗲、紫菜、炸菜、雪菜或生菜要加錢早餐我食得唔多，點左招牌炸豬扒米通同細女share🌈招牌炸豬扒米通+ 凍奶茶米通滑捋捋，食落好煙靭豬扒好香口不過冇加配菜，味道就麻麻啦凍奶茶茶味好足，好岩我🌈沙嗲新鮮牛肉米通 + 凍咖啡沙嗲牛肉超香口，啖啖食到花生碎凍咖啡係茶餐廳味道。🌈雪菜香炸雞中翼公仔麵 + 凍檸茶雞翼好香口，雪菜食落唔同巿面一般的雪菜，口感味道有點特別，而公仔麵就正常冇特別。

讚1 嘢食有水準，沙嗲牛既花生味好香，米通煙韌，牛肉亦都唔會咬唔開，好食2 雖然係大牌檔，但環境好企理，服務都好爽手彈1 奶茶就唔太合口味，奶味有啲羶左既感覺，唔太鍾意

蓮香喺非常出名嘅陳通記隔離，其實佢都有食沙嗲牛米通㗎！******************************❣️沙嗲牛米通+太陽蛋 佢嘅組合係要自己拼架！沙嗲要加錢，蛋又要加錢🥰嗌左米通，質感係滑捋捋，質地比較淋，中間通窿可以將沙嗲湯底飲埋！佢既沙嗲比較甜同花生味濃郁，每一啖都食到花生碎碎🤪可惜牛肉份量就比較少，同埋肉質一般！太陽蛋就大大粒，但就冇咩特別🤣奶茶夠熱，一入口就飲到佢濃濃既茶香，唔會澀口。