影片
电话号码
29817566
营业时间
今日营业
05:30 - 16:30
星期一至四
05:30 - 16:30
星期五
全日休息
星期六至日
05:30 - 16:30
公众假期
05:30 - 16:30
以上资料只供参考，请与餐厅确认详情
食家推介
招牌菜
难得放长假可以去远d，咁就一于搭船去长洲揾食啦，据闻长洲熟食中心有两间茶记都好食，今次就拣左莲香咖啡岩岩过左lunch时间，唔洗等位叫左个沙嗲紫菜米通沙嗲味岩岩好，唔会太杰身，好香口，仲食到d颗粒感，小小脆脆地既口感米通有小小烟韧既口感，米通索哂沙嗲汤好正，落小小辣椒油更加香，劲快清哂一碗仲有嗌左沙嗲炸猪扒公仔面炸猪扒都腌得几好食 ，但叫公仔面比起米通就普通左小小钟意食沙嗲汤既朋友试佢地既米通就冇错架喇😋
继续阅读
长洲次次都会食陈通记，但Soy Egg 🥚同9 Flag 🏳️傻仔左🤡唔知佢星期一唔开😟好彩咁岩见到佢隔离莲香咖啡都有沙嗲牛米通🐄🎉本身以顶下瘾既心态去食，点知又几有惊喜㖞😋必试: 沙嗲牛肉通🐄是但总结: 入到长洲想食沙嗲牛肉米通🐄可以考虑下依间😍是但食评🌟💬✰环境😋 地踎大排档 香港情怀😋无华丽既装潢🏡得D红色 绿色胶櫈🪑同埋D折枱你可以话简陋 但对我地黎讲系情怀虽然大排档格局 但无话污嘈都企企理理😋食食下仲有猫撩你玩🐈✰沙嗲牛肉米通 ($37) 🐄 浓郁沙嗲配滑溜米通 一流😍满满花生香🥜 你会食到一粒粒既花生碎🥜沙嗲有小小起沙果只感觉加上小小既辣度 令到个汤更惹味🌶️牛系滑牛 都算嫩滑同有肉香🐄米通软硬适中 保留到小小嚼劲 够滑溜D沙嗲汤入晒米通既中间🥜沙嗲味加埋米通既口感真系一流😍✰斑兰咖央多 ($16) 🍞 一般😟斑兰咖央酱唔够多🍃打开得超薄一浸味道唔够出 包都烘得太干🍞整体唔吸引😟
继续阅读
本来打算再选长洲陈通记，无奈太多人等而且都准备截单，唯有试下旁边的这家「莲香咖啡」，位于同一个大牌档。炸猪扒米通粉加$6转沙爹汤底，配米通粉食的确好挂汤。但味道相对欠缺层次，而且略为偏咸。猪扒唔够淋，比较难咬。新鲜牛肉公仔面都是加了$6转沙爹汤底，但沙爹汤底味道跟公仔面没有跟米通粉般夹。牛肉都尚算新鲜。鲜油多相对失望的食物。烘得唔够均匀，多士有部分烘得太㶶，有部份却唔够脆。而且牛油很细件，感觉不太良好。
继续阅读
训醒无食早餐留定肚就入黎食莲香喇！ 11点几猪润已经卖晒，转食鱿鱼面，加6蚊有沙嗲，试下先，出奇地好味！！ 分左2旧俾honey 换左2旧佢点既猪扒，都唔错㖞！ 无餐全部散叫，加多杯冻柠茶。
继续阅读
1670 浏览
㖊晚晌渡假屋瞓得麻麻，啲隔音好差，隔离单位嘅外国人又玩到半夜三更，不过，都照原定计划，今早早起，晌长洲食埋早餐先走，然后搭横水渡过坪洲玩多半日。晌市区都越嚟越少大牌档、冬菇亭，所以，早餐专登嚟到「莲香」试试。 环境地踎，但对好多香港人嚟讲，喺一份情怀，圆折枱、胶櫈、大牛角扇……等等，好多细细个嘅片段都返晒嚟，甚具年月嘅痕迹。虽然地方简陋，但都算干净企理，我哋又喺一早嚟，客人亦唔多。餐牌底面两页，一面嘢食，一面饮品，唔好当正佢喺时下惯常去嘅茶记，选择唔算多，定价本来唔算贵，但全部嘢都喺散点，无话早餐、午餐、套餐之类，好多嘢又要另外加钱，所以，夹埋以茶记而言，就会感觉有啲贵，好似我哋两公婆叫两碗粉面，加两杯热饮，就已经近一嚿水。自家制韭菜饺米粉 $29本来有款心水嘅韭菜饺，仲要喺店家推介，老婆都满心欢喜，只只包得好大粒，塞满晒馅，睇样真喺好对办，不过，咬一口就唔收货，佢话啲饺质感好粉，照道理自家制应该唔会咁差，但小弟食一粒，又真喺粉得交关，口感绝对好奇怪，喺㖊日卖剩雪过嚟都唔应该会喺咁，故此，只好由小弟顶咗去，同佢对换啲𩠌嚟食。沙嗲新鲜牛肉公仔面 $35本应叫个新鲜牛肉公仔面只收$29，但要沙嗲就另外加多$6。我碗沙牛面就好好多，佢哋啲汤本身喺清汤，无乜味，所以，加咗沙嗲真喺香浓好多倍，充满花生香，而啲新鲜牛肉就好似平时打边炉时所点嘅新鲜滑牛，肉质好嫩滑，好有肉香，曲身嘅面条亦无煮过腍，又特别挂汁，挂起啲沙嗲汁，真喺好滋味。枱上放置咗少少粒基本调味料，当依家讲求卫生，都用上一包包嘅糖包，但呢度仲喺好旧式，逐羹逐羹嚟，晌疫情下，自然觉得唔卫生，但环保角度，又变成另一会事，少咗包装纸，可以半羹或少半羹咁落。热奶茶、朱古力 @$17话晒茶记，拣奶茶喺好自然嘅事，亦喺非常稳胆嘅选择。奶茶嘅茶色几靓，深沉有光泽，味道都唔错，茶底醇香，但口感就觉得未喺好丝滑；反而老婆就赞杯朱古力劲浓郁，应该唔喺朱古力粉冲，而喺用上唂咕，我都试番啖，喺浓郁好多。餐厅只喺离码头两、三分钟脚程，所以，睇住时间慢慢食，食完再斯斯然行过去，咁就完成长洲嘅行程。讲真，嘢食、嘢饮就无乜惊喜，啲韭菜饺仲唔喺好得，招呼都唔错，个阿姐都几好倾，但整体而言，叫试过就算。
继续阅读