螢火

同好姊妹食飯，食我地想鐘意既日本菜🪭，餐廳位於希爾頓大廈地庫，餐廳整體設計以黑和灰兩種冷色調為主，仲有個不斷轉換背景嘅電子螢幕，山景 ，海景，夜空都有，非常型格。餐廳分左兩個區，壽司omakase和鐵板燒，我地點餐廳是日推介，所以係鐵板燒區，所有食物，師傅係面前親自燒🔥，好得呀！❤️螢火是日推介$1,390/位，共10道菜。以海鮮🦞和牛肉🥩為主，未食已經流口水🤤是日海鮮  象拔蚌 ，象拔蚌同蘆筍一齊炒，加上少少黑胡椒，食落去辣辣地，象拔蚌嘅鮮甜味更突出，蘆筍爽口，一齊食更好食。澳洲龍蝦🦞，原隻龍蝦整熟之後，大廚將龍蝦肉切成一小件，放入口每一件嘅龍蝦鮮味都係肉裏面散發出嚟。南非鮑魚，鮑魚切片煎熟，每一口都食到鮑魚嘅鮮味，沾上秘製醬汁，有濃郁嘅鹹鮮味道，整體不錯。🐂日本 A5 和厚燒，超厚和牛2件，咬落去成口都係牛肉味，牛肉汁係口到滑落喉嚨，牛肉係考到越就越有味。🍚櫻花蝦炒飯，超香櫻花蝦炒飯配上一隻半熟煎蛋，撈埋一齊食更加滋味。