老港冰室

营业中

休息中

服務超差，被安排係最後角落位置，叫天不應叫地不鳴，大叫都無人理你。因為前面張檯坐左5個人，其中一個客人坐出走廊，我想攞個碗，個侍應口響響話幫我攞，轉個頭就鬼影都無，莫講話隻碗！最後都要麻煩人哋讓一讓我自己行出去攞個碗。叫個蒸魚餐，蒸成40分鐘都唔出，所以想叫個侍應幫手睇下出得未，佢行過望左一眼當睇唔到，我大叫唔該都唔睬你，最後嬲到要講句「我叫左好耐都無人應喇喎！」先有人理！乜野服務態度？已經係自助落單，間舖已經有5-6人做野，但係都係咁嘅質素！個餐等到要叫先即刻有，到底有冇人會跟進客人嘅餐？啲食物又咸，無下次！又有啲垃圾蚊飛嚟飛去⋯⋯真心唔會再幫襯！