影片
以上资料只供参考，请与餐厅确认详情
食家推介
星期五吾知食咩好，决定同老公去葵广扫街食野兼夹公仔，顺道经过新都会广场，睇到呢间新开既冰室，成班人排队，仲有三大服务承诺好吸引！最惊讶既系佢地提倡三大保证，如果吾满意服务态度，可以全单8.5折；如果叫左既菜品吾系30分钟内送到，都系8.5折！吾满意菜品都可以8.5折！价钱吾贵，服务质素又好，顺势就决定试下啦～.招牌美国西冷牛扒 $120 吾好以为一块牛扒咁简单，呢个招牌美国西冷牛扒真系大啖过瘾！份量真系吾少，目测西冷扒厚度有2cm，热辣辣上枱，听到「刷刷」声超有气氛，配埋黑椒汁坚正！而薯菜仲好有心思，焗薯好腍，仲有沙律酱点缀，带出一种清新口感，仲加埋鲜甜既粟米！套餐仲有牛油餐包、罗宋汤同埋热奶茶，整个餐嚟黎讲超满足！罗宋汤好浓郁，酸酸辣辣好好饮，而热奶茶茶香味浓，衬埋牛扒perfect😁 西冷牛扒肉质鲜嫩，每一口都系满满肉香，成个体验超值！.古法手撕连骨盐焗鸡 $78虽然份量吾算多，但食落去发现有好多鸡肉，吾会好干，块块都咁嫩！呢个盐焗鸡真系要大力推介，鸡肉味浓，盐焗味入哂鸡肉中，好香口，食得出佢地既用心，搭埋白饭真系一流.咖喱薯仔吉列鱼柳饭 $69一啖食落去，咖喱味浓郁，椰香味十足，吾会太辣但好过瘾，中意食多汁既人既首选！d鱼柳炸得外脆内嫩，浓郁既咖喱汁配上香脆既鱼柳，口感层次感丰富，好满足！再加杯冻奶茶（$9)，正！.招牌拉丝芝士菠萝包 $19 望落去好似普通菠萝包，但用刀一切，d芝士就爆晒出黎，果份拉丝感真系吾可以吾试！包皮香脆，芝士味道既香浓又吾腻，简单但好正
继续阅读
咁耐无去葵芳，呢个舖位又唔同左，依家变成一间冰室。作为一间冰室，茶记嘅常餐、奶茶，甚至碟头饭，应该唔少得。不过见佢餐牌嘅主打有酸菜鱼 、辣椒炒肉 ，用埋绿色装修、熊猫公仔Logo……真系老香港，新烹调，用心做啊！都系要睇餐牌再叫嘢食食物齐招牌沙爹牛肉面 $55去茶记，沙爹牛面应该走唔甩。呢度嘅公仔面系啱啱散，上枱仲系爽。沙爹味普通，唔系话超级浓嘅口味，牛肉又唔算松到散晒，呢个就系一个街坊茶记嘅口味。如果想沙爹味浓啲，记得走汤。火腿奄列及香酥丹麦多士 呢度嘅蛋煎得老啲，令蛋味更浓，同埋更香脆，更适合湖北蛋嘅做法。里面嘅火腿丝份量都几多。用得香酥丹麦多士 ，证明真系新派茶记冰室。不过烘脆嘅时候，已经将另外搽嘅牛油已经融入丹麦多士 本身嘅酥皮，所以香脆之余唔太油，都唔错。凉拌青瓜 $32依家系试新烹调嘅时候啦！想摄取多啲蔬菜所以叫呢个青瓜，有部分青瓜条有啲不规则，切之前都有拍过。味道香辣，手切蒜粒都几多，仲要有花椒，少少麻，非常开胃。鸭屎香柠檬茶（少冰）+$9除左奶茶，鸭屎香柠檬茶都系呢度嘅主打。上菜嘅时候，呢杯茶都有少少泡，香水柠檬片，都有打碎嘅一丝丝果肉，真系好大力嘅#手打柠檬茶 。整体成杯饮品都唔算太甜，主要系柠檬嘅清新，同埋茶嘅清香，非常适合解辣解腻。呢度嘅祖国口味，真系比茶记食物，好太多啦！总数：$96
继续阅读
今日下午茶时间喺葵芳揾食，行过葵涌广场对面见到呢间「老港冰室」，装修有怀旧冰室feel，环境干净企理，就入去试吓佢哋嘅下午茶餐干炒牛河有惊喜，$54 就食到，下午茶平啲，但系份量一样咁多，河粉烟韧不黏口。最意外系啲牛肉唔止唔嚡，仲要超大块，食落好实在，加埋芽菜同葱丝，成碟炒得有心机蒜蓉炒通菜照走猪油渣都炒得够镬气，蒜香重、通菜爽脆。例汤系明火煲花生眉豆猪骨汤，唔系即冲果啲，味道淡淡地但够暖胃，有汤渣最加分系佢哋有「三大保证」：如果对服务、食物唔满意，或者等超过30分钟未上枱，都可以即时攞八五折，呢个安排喺茶餐厅真系罕见，食客有保障，感觉几贴心，唔怪之得午饭时间到下午茶都坐满晒人
继续阅读
而家先知呢个商场有咁抵食嘅小炒，仲要系有镬气无加一。可算系大商场极罕。蒜蓉粉丝蒸凤尾虾 - 辣辣地，粉丝垫底好香，虾大只爽。豉汁蒸仓鱼 - 虽然size细，但厚肉，加埋豉汁无得顶。椒丝腐乳通菜炒牛肉 - 好有镬气，牛肉唔韧，通菜新鲜。干锅花菜 - 猪油炒香，香辣带惹味，超好送饭。加$12有鸭屎香柠檬茶，$9有例汤（好有屋企feel）唔满意服务、点菜后30分钟内唔上菜、对d野食唔满意，都全单八五折。呢间冰室似乎一心想改变一般茶记冰室印象，几有礼貌，上菜唔会乱掉上台。
继续阅读
今日系葵广行完街，去左新都会呢间老港冰室食野，整体体验相当满意。餐厅服务态度良好，最特别系佢哋有三大承诺：1. 若对服务不满意可享全单85折2. 点餐后30分钟内未上菜可享该菜品85折3. 对菜品不满意同样可享85折优惠，诚意十足👍蒜蓉粉丝蒸凤尾虾虾肉新鲜弹牙，蒜香好提鲜，粉丝吸收虾汁精华，口感恰到好处。 红烧萝卜牛筋腩煲牛筋腩焖得超入味，胶质满满，一啖咬落去又弹又糯；萝卜吸尽精华，甜而无渣。酱汁浓郁带微甜，捞饭一流！咖哩薯仔吉列猪扒饭吉列猪扒外脆内嫩，咖哩香浓微辣，薯仔炖煮入味，整体搭配十分经典。 邪恶芝士流心西多士切开时芝士呈流心状态，咸香浓郁，同香脆西多士形成完美平衡，虽然热量爆表但值得一试。 鸭屎香手打柠檬茶茶底清香独特，柠檬新鲜酸甜，口感清爽解腻食物品质出色，服务有效率，加上三大承诺让顾客用餐更安心，值得一试！
继续阅读