老港冰室

营业中

休息中

老港冰室一直以其地道的港式風味和實惠的價格吸引著食客。晚市真的要早點排隊等位，座無虛席的。沒想到這裏職員服務超好，除了說話有禮，一坐下，會問我們需不要不要協助下單，還是QR code下單，上菜時又會說唔該，真是意外的好服務。見到餐牌上寫著三大服務承諾：不滿意服務態度，全單可享85折；點菜後30分鐘內不上菜，超時菜品85折；對菜品不滿意，菜品85折。怪不得如此好服務！這三大服務承諾，真的能做到。明火例湯一盅$9，這晚是青紅蘿蔔豬骨雪耳湯，沒想到如此濃郁，可能已經盛到底，真的是精華所在，又濃又甜，不加味精，有家的味道。鴨屎香檸檬茶，跟餐加$12，這款飲品的酸甜恰到好處，檸檬的清香，獨特的鴨屎香茶味道濃郁，香得不得了，別具一格，推介要喝，特別適合在炎熱的夏天飲用。蒜蓉粉絲蒸鳳尾蝦$88，蝦肉新鮮爽口，粉絲吸收了蒜蓉的精華，彈滑又開胃。這道菜的視覺效果也很吸引，開邊蝦蒸熟後捲成圓形，色彩鮮艷好看。招牌酸菜魚$68，魚片嫩滑，酸菜的酸味恰到好處，湯底的咸香，帶有微微的辣味，令人食慾大開。這道菜超值，$68有一盤一人份量酸菜魚，晚市時間往哪找了？紅燒五花腩肉$78，半肥瘦的五花腩，肉質肥而不膩，醬

星期五吾知食咩好，決定同老公去葵廣掃街食野兼夾公仔，順道經過新都會廣場，睇到呢間新開既冰室，成班人排隊，仲有三大服務承諾好吸引！最驚訝既係佢地提倡三大保證，如果吾滿意服務態度，可以全單8.5折；如果叫左既菜品吾係30分鐘內送到，都係8.5折！吾滿意菜品都可以8.5折！價錢吾貴，服務質素又好，順勢就決定試下啦～.招牌美國西冷牛扒 $120 吾好以為一塊牛扒咁簡單，呢個招牌美國西冷牛扒真係大啖過癮！份量真係吾少，目測西冷扒厚度有2cm，熱辣辣上枱，聽到「刷刷」聲超有氣氛，配埋黑椒汁堅正！而薯菜仲好有心思，焗薯好腍，仲有沙律醬點綴，帶出一種清新口感，仲加埋鮮甜既粟米！套餐仲有牛油餐包、羅宋湯同埋熱奶茶，整個餐嚟黎講超滿足！羅宋湯好濃郁，酸酸辣辣好好飲，而熱奶茶茶香味濃，襯埋牛扒perfect😁 西冷牛扒肉質鮮嫩，每一口都係滿滿肉香，成個體驗超值！.古法手撕連骨鹽焗雞 $78雖然份量吾算多，但食落去發現有好多雞肉，吾會好乾，塊塊都咁嫩！呢個鹽焗雞真係要大力推介，雞肉味濃，鹽焗味入哂雞肉中，好香口，食得出佢地既用心，搭埋白飯真係一流.咖喱薯仔吉列魚柳飯 $69一啖食落去，咖喱味濃郁，椰香味十足，

咁耐無去葵芳，呢個舖位又唔同左，依家變成一間冰室。作為一間冰室，茶記嘅常餐、奶茶，甚至碟頭飯，應該唔少得。不過見佢餐牌嘅主打有酸菜魚 、辣椒炒肉 ，用埋綠色裝修、熊貓公仔Logo……真係老香港，新烹調，用心做啊！都係要睇餐牌再叫嘢食食物齊招牌沙爹牛肉麵 $55去茶記，沙爹牛麵應該走唔甩。呢度嘅公仔麵係啱啱散，上枱仲係爽。沙爹味普通，唔係話超級濃嘅口味，牛肉又唔算鬆到散曬，呢個就係一個街坊茶記嘅口味。如果想沙爹味濃啲，記得走湯。火腿奄列及香酥丹麥多士 呢度嘅蛋煎得老啲，令蛋味更濃，同埋更香脆，更適合湖北蛋嘅做法。裡面嘅火腿絲份量都幾多。用得香酥丹麥多士 ，證明真係新派茶記冰室。不過烘脆嘅時候，已經將另外搽嘅牛油已經融入丹麥多士 本身嘅酥皮，所以香脆之餘唔太油，都唔錯。涼拌青瓜 $32依家係試新烹調嘅時候啦！想攝取多啲蔬菜所以叫呢個青瓜，有部分青瓜條有啲不規則，切之前都有拍過。味道香辣，手切蒜粒都幾多，仲要有花椒，少少麻，非常開胃。鴨屎香檸檬茶（少冰）+$9除左奶茶，鴨屎香檸檬茶都係呢度嘅主打。上菜嘅時候，呢杯茶都有少少泡，香水檸檬片，都有打碎嘅一絲絲果肉，真係好大力嘅#手打檸檬茶 。整體

呢間老港冰室真係旺到爆，未入門已經見到長長人龍，環境舒服唔迫，價錢親民，菜式選擇多又有水準，值得一試！🍲招牌酸菜魚魚片嫩滑，酸菜夠味又唔搶戲，酸辣平衡得好，開胃一流！🍛瓦煲家鄉肉碎豆腐煲豆腐滑溜，肉碎香口入味，熱辣辣送飯一流，夠晒家鄉風味。🥦干鍋花菜爽口花椰菜炒得乾身，微辣惹味，配搭臘味增添香氣，好下飯！🦐蒜蓉粉絲蒸鳯尾蝦粉絲吸晒蝦汁同蒜香，鳯尾蝦鮮甜彈牙，清香唔膩。🍚豉汁排骨臘腸砂鍋蒸飯豉汁濃香，排骨入味，臘腸油香撲鼻，飯底仲有鍋巴，夠晒香口！📌小總結：價廉物美，菜式多變，懷舊茶餐廳風格夠晒親切，鐘意港式味道嘅朋友千祈唔好錯過！

老港冰室．神級茶記！鴨屎香檸茶真材實料到顛講真，而家仲要搵間「有heart」嘅茶記真係難過中六合彩，但葵芳呢間老港冰室絕對係例外！平日下晝三點幾都爆到九彩，成間舖九成係街坊熟客，阿姐同伙記忙到踢晒腳但依然快手到癲，落單唔使5分鐘就上齊嘢，仲要樣樣都keep到水準真心服！做足到3大保證！必飲神級鴨屎香檸檬茶一坐低就見到隔離枱杯檸茶色水靚到發光，即刻跟隊叫杯鴨屎香檸檬茶——飲第一啖即刻瞳孔地震！茶底濃到有啲「咬口」，鴨屎香單叢茶嘅花香同檸檬酸香平衡到爆，唔會得死甜或得陣酸，仲要落足4大片厚切檸檬，篤爛啲果肉之後連埋茶一啜，真係近年飲過最真材實料嘅版本！忍唔住叫朋友點杯一起歎！朋友杯茶走都唔輸蝕，煉奶同淡奶比例啱啱好，茶底夠厚又滑，茶記基本功滿分。老派牛扒紅湯 食到舔舔脷主食試咗T骨牛扒配薯菜，(係焗薯)牛扒唔算極厚但醃得入味，切開仲有少少粉紅，咬落鬆化唔韌，最驚喜係跟餐嗰碗紅湯，真係用番茄同雜菜煲出嚟，足料到呢！唔係罐頭開水貨色，仲要跟個香軟嘅餐包，懷舊到飛起！椒絲腐乳通菜炒牛肉鑊氣十足，腐乳落得豪邁，菜菜子好香嫩牛肉片又嫩又掛汁，送飯一流；蒜蓉粉絲蒸鳳尾蝦就抵食到笑，8隻蝦排到成朵花咁，

新都會最近新開左間老港冰室，有時晚市經過都要排一排隊，幾受歡迎，除左幾多菜式揀之外，同其他茶記唔同嘅係服務質素，呢間對服務質素要求都幾高，佢哋有三大服務承諾：如果覺得服務態度唔滿意，可以享全單85折；點菜後30分鐘內不上菜，超時菜品85折；對菜品唔滿意，菜品都可以85折，夠晒貼心招牌古法手撕鹽焗雞 ($78)撕開嘅雞肉嫩滑多汁，鹽焗味滲入肉身，帶濃郁嘅鹹香，咬落有嚼勁又唔油膩，撈勻埋啲芫荽同芝麻更香，果然係招牌菜之一菠蘿咕嚕肉 ($58)菠蘿咕嚕肉外層炸得酥脆，內裏豬肉嫩滑唔會太多肥膏，咬落有嚼勁，菠蘿酸酸甜甜，唔會太膩味道濃郁又開胃干鍋花菜 ($38)干鍋花菜炒得鮮嫩清甜，花菜帶微脆口感，雖然本身食唔到辣走左辣，淨配上蒜蓉同豬油渣都已經香氣十足蒜茸豬油渣炒通菜（走豬油渣） ($48)炒通菜炒得碧綠爽脆，通菜清甜，蒜香濃郁，食落清新白飯 (@+$9)小菜可加$9配白飯，熱辣辣粒粒分明，煮得軟硬適中凍檸檬茶 (@+$9)加$9都可以配凍飲，凍檸檬茶茶味濃郁，甜度適中📌老港冰室 (葵芳)地址：葵芳興芳路223號新都會廣場1樓109號舖

嘢食等咗成30分鐘，好肚餓就開始催單，跟住俾個85折啦，但85折代價係繼續等。。。等到45分鐘左右終於有。。。樓面服務態度係ok嘅，嘢食都ok，都冇乜特別不愉快感覺。跟住點知俾錢出晒事，阿姐唔識計數都算，照單入機都唔識，有折同冇折嘅單搞亂嚟計。。。同佢講收錯咗，跟住佢藐咀，叫我等陣喎，我要企喺度等佢收咗後邊啲人先，哈哈😂咩事？？？好啦終於等佢收完後面啲人啦，佢又唔識計我條數啦喎，仲問返我轉頭我俾咗幾多錢，我黑人問號開始嬲嬲地，托賴阿姐藐我咀，人生第一次心算咁快🙂阿姐退返錢俾我唔該快啲Train下阿姐啦😂😂 搞唔掂

🍽️【老港冰室(葵芳)｜港味地道 × 貼心服務】最近和朋友到訪「老港冰室」，從裝潢到菜式都充滿濃濃港味，環境懷舊又親切，就連服務都細心周到！🔥 必試招牌菜色 🐟 酸菜魚：湯底酸香微辣，魚片厚而嫩滑，搭配酸菜十分醒胃，配白飯一流，邊吃邊點頭！ 🍜 秘製香辣魷魚公仔麵（常餐）：香辣醬汁惹味，魷魚爽口彈牙，加上秘制醬汁，配埋火腿炒蛋及多士份量剛好，性價比超高。 🥩 鐵板牛柳：熱騰騰「滋滋」上枱超吸睛，牛柳外焦內嫩、肉味濃郁，香氣爆棚！ 🥬 蒜蓉豬油渣炒通菜：豬油渣酥香脆口，蒜香十足，通菜炒得爽脆不水，口感一流！💡 三大貼心服務承諾，安心加分！ 1️⃣ 如對服務態度不滿意，可享全單八五折 2️⃣ 點菜後30分鐘內未送菜，該菜可享八五折優惠 3️⃣ 如對菜品不滿意，該菜同樣可享八五折👨‍🍳 服務人員親切有禮，會主動介紹招牌菜及貼心提醒等候時間，感覺非常重視顧客體驗。

Lunch time想搵間茶記食，見到呢間餐廳🍴非常多人，而且選擇都幾多，當然要入嚟捧場啦！焗黑松露芝士🧀雞扒意粉🍝新鮮滾熱辣，雞扒🐓好嫩滑而芝士🧀更有拉絲效果，每一條意粉🍝都掛上啖啖的黑松露香味雙拼三文治🥪（烘底）（少牛油）炒蛋🍳+鹹牛肉🐄食三文治🥪一定要烘底，脆脆地咁先過癮內裡夾上鹹牛肉炒蛋，絕對係perfect match，吃下去真的很滿足呀！凍招牌奶茶🥤（走甜）（少冰）茶膽香濃，奶🥛幼滑在這個炎炎夏日下，喝下去透心涼的奶茶🥤，尤其解渴！

葵芳出哂名多野食 除左掃街天堂葵涌廣場外 對面既新都會廣場都好多餐廳😌 最近發現左呢間用上我地國寶熊貓做主題既「老港冰室」🇭🇰🐼是日晚餐B $86餐廳每晚都會更換😌 當晚去既時系「蒜蓉粉絲蒸鳳尾蝦」🧄🦐 鳳尾蝦肉質爽脆彈牙 墊底既粉絲吸收哂蝦汁同蒜蓉精華 口感滑溜且飽滿😋 另外跟餐配有白飯同餐湯🍚🥣麻辣茄子肥牛煲 $68肥牛片薄而嫩🥓 吸收左麻辣鮮味 肉香同辣味交織🤤 而茄子綿軟細膩入味🍆 呢道菜送飯一流🤩招牌美國西冷牛扒 (配蒜蓉汁) $120港式茶餐廳既經典鐵板餐 結合左西式牛排既烹調手法同港式醬汁風味😆 西冷牛扒肉質鬆軟 軟嫩口感🥩 配菜豐富有雜菜同意粉 真正既大件夾抵食😂 另外跟餐配有餐包同餐🍞🥣我地更以加配價錢嗌埋特飲「紅豆冰」同「手打鴨屎香檸檬茶」🥤順帶一提 餐廳有三大保證☑️✅1. 對服務態度不滿意 全單85折 2. 30分鐘內上菜 否則超時菜品85折 3. 對菜品不滿意 該菜品85折

今日去葵芳行街，順便搵間茶餐廳坐下，呢間餐廳服務質素高，而且仲有服務承諾，如對服務態度不滿意、點菜後30分鐘內不上菜又或者對菜品不滿意，都會有八五折！今時今日咁嘅服務質素仲可以去邊度搵。古法手撕鹽焗雞一上枱已經芳香撲鼻。雞肉鮮嫩多汁，鹽焗的風味恰到好處，讓人一口接一口。蒜蓉粉絲蒸鳳尾蝦鳳尾蝦蒸得剛剛好，蒜蓉和小小的辣椒點綴令人胃口大開，餸飯食一流。老港炒米炒米色香味俱全，夠鑊氣，而且配料豐富，有蝦、叉燒、火腿等等。鴨屎香手打檸檬茶冰室都飲到鴨屎香手打檸檬茶，而且味道不輸街上的茶飲店，極力推介。凍蜂皇柑桔蜜涼浸浸，清新可口，帶有天然果香，為整頓飯畫上完美的句號。

葵芳人氣冰室晚市大排長龍！好采一早到等一張枱即入，到7點人龍已經排到門外。招牌菜全員高水準： 招牌酸菜魚鱸魚片嫩滑無骨，酸菜爽脆不過鹹，湯底麻香微辣🌶️，希望可以魚肉再多啲😋。古法手撕鹽焗雞雞皮泛油光✨，肉質嫩滑離骨，鹹香滲透每絲纖維，連胸位都唔乾柴！手撕保留筋膜膠質，拌蔥香茜更鮮味～ 黑椒薯仔牛柳粒 鑊氣直擊靈魂🔥！牛柳粒外脆內軟帶焦邊，薯仔外皮香脆內裏粉糯，黑椒醬汁甜辣惹味，送飯一流。 解膩飲品・鹹檸七：鹹檸醃得通透，氣足解膩・鴨屎香檸茶：茶香濃郁不澀，檸檬捶打出油 建議5:45前到免排隊！

經過幾次都見到有人排隊，好好奇點解冰室都要排隊，今日去開葵芳就試試佢。果然今日去都係要排隊💃🏻 不過都唔使等好耐既有是日晚餐可以揀既，不過唔係好啱所以都係散叫。兩個人食叫左咖喱薯仔吉列豬排飯，招牌酸菜魚同埋一杯鴨屎香檸檬茶🍽️咖喱薯仔吉列豬排飯豬扒既分量都好多下，炸得好香脆，肉唔會乾，幾淋身。個咖喱汁係幾香濃，比較似馬來咖喱個種，幾下飯。唔錯！🍽️招牌酸菜魚見到寫住招牌就揀黎試下。賣相令人係好有食慾既，好足料，魚肉係滑身，分量同樣都係幾多。另外要一讚既係d配料，萵筍同蘿蔔都好清甜爽口，兩種既口感都剛剛好。係冰室有呢個質素既酸菜魚絕對收貨！🍽️鴨屎香檸檬茶本來過隔離商場先買野飲，但急需解渴就叫杯鴨屎香試下，有點喜出望外，幾好飲！清香足料總括而言，性價比高！明白點解係有人龍既冰室，如果多d二人座唔使搭檯會更好🙋🏻‍♀️

平時我都好中意去唔同茶仔嘆早餐，今日就去左葵芳呢到揾早餐食啦，本身以為朝早得葵芳廣場有嘢食，但其實原來過對面新都會廣場都有唔同嘅選擇。🐒早餐Set C💰$48👉🏻招牌秘製香辣魷魚麵(通粉)👉🏻香滑炒蛋(煎雙蛋)👉🏻香酥丹麥多士(牛油多士)👉🏻凍啡+$3。佢係有唔同嘅set可以揀，唔同平時食開嘅茶餐廳得幾個餐，佢呢度仲有佢哋特別嘅秘製香辣魷魚可以揀做配料，所以如果食厭咗平時嘅餐呢度都係一個幾好嘅選擇👍🏼佢嘅香辣魷魚好入味都好彈牙，今次我怕太Heavy就揀咗牛油多士，佢另外仲有牛油餐包可以揀，所以其實配搭真係好多元化

午餐去搵食，呢度應該唔係開左好耐，唔多覺，見入面坐滿晒，應該唔差，就去試下啦！牛肝菌汁牛柳粒伴徳國腸份量好多！牛柳粒先煎熟，外脆內軟，有牛味！個牛肝菌汁好味，撈飯食一流！粉葛湯好濃，材料足，無落味精，好飲！咸魚肉餅蒸飯即叫即蒸，所以要預返啲時間！不過就真係好值得等！好好食，可以話係食過最好食既蒸飯上枱時已文到好香！淋埋鼓油上去更特出香味！肉餅唔會好多肥肉，啖啖肉，飯粒粒粒分明，唔會爛晒，有口感！配合埋一齊食真係無得頂！午餐時要等位，整體上食物唔錯，價錢合理，午餐選擇之一！