影片
更多
2022-12-14
52 浏览
約咗閨蜜去東涌 outlet 購物，我哋開心shopping完之後，閨蜜就帶咗我嚟呢間餐廳食飯。呢度有室內同室外座位可以選擇，我哋坐室內梳化位，幾寬敞幾舒服，周圍仲有好多外國客人，感覺去咗東南亞國家嘅度假村🏝️。🐷泰式炭燒豬頸肉$108豬頸肉切得薄薄地燒到好香口，仲有辣辣🌶️地嘅秘製醬汁， 沾豬頸肉食好惹味。🍛泰式紅咖喱雞$138紅咖喱汁味道濃郁又唔係好辣，估計係落咗好多泰國香料去煮；除咗食到有雞肉之外，仲有菠蘿粒、荷蘭豆、香葉 等；咖喱汁加落 naan 一齊食，好好味😋。🫓蒜蓉薄餅$35喺印度式嘅蒜蓉 naan, 除咗落蒜蓉之外仲落咗好多香蔥碎，燒得煙靭柔軟熟，配埋咖喱一齊食，好正。🥬泰式炒芥蘭$90芥蘭菜新鮮爽脆，仲落咗泰國鹹魚粒落去一齊炒，所以有鹹香又美味。🥭芒果糯米飯$88有三種糯米，店員姐姐幫我哋問廚房，話係白糯米、紫糯米，黑糯米，食落粗幼程度不一樣，不過都一樣美味；仲有甜甜地嘅芒果同埋非常之甜嘅煉奶，配埋一齊好夾。再飲啖清香嘅「🌼Chamomile $38」洋甘菊茶，好舒服；及閨密嘅香滑「☕️Cappuccino $42」。在這輕鬆心情下，不經不覺過咗二個小時，這頓晚餐我哋都好滿
🐷泰式炭燒豬頸肉$108
豬頸肉切得薄薄地燒到好香口，仲有辣辣🌶️地嘅秘製醬汁， 沾豬頸肉食好惹味。
🍛泰式紅咖喱雞$138
紅咖喱汁味道濃郁又唔係好辣，估計係落咗好多泰國香料去煮；除咗食到有雞肉之外，仲有菠蘿粒、荷蘭豆、香葉 等；咖喱汁加落 naan 一齊食，好好味😋。
🫓蒜蓉薄餅$35
喺印度式嘅蒜蓉 naan, 除咗落蒜蓉之外仲落咗好多香蔥碎，燒得煙靭柔軟熟，配埋咖喱一齊食，好正。
🥬泰式炒芥蘭$90
芥蘭菜新鮮爽脆，仲落咗泰國鹹魚粒落去一齊炒，所以有鹹香又美味。
🥭芒果糯米飯$88
有三種糯米，店員姐姐幫我哋問廚房，話係白糯米、紫糯米，黑糯米，食落粗幼程度不一樣，不過都一樣美味；仲有甜甜地嘅芒果同埋非常之甜嘅煉奶，配埋一齊好夾。再飲啖清香嘅「🌼Chamomile $38」洋甘菊茶，好舒服；及閨密嘅香滑「☕️Cappuccino $42」。
在這輕鬆心情下，不經不覺過咗二個小時，這頓晚餐我哋都好滿意❤️。
张贴
