鮨處松戶 (彩星集團大廈)

营业中

休息中

今日同朋友係尖沙咀行開apple，先知原來apple隔離個大廈有唔少餐廳，我地最後揀左入呢間居酒屋食dinner。餐廳環境都幾寬敞，好有日式居酒屋feel。整體食物質素都唔錯，而且價錢合理。日本凍蕃茄凍蕃茄味道鮮甜，作為前菜黎講十分開胃。和風汁左口魚薄切平時好少食叫左口魚刺身，通常都係食開炙燒左口魚壽司較多，估唔到左口魚刺身味道都唔錯，口感爽滑，而且和風汁非常入味，食落酸酸甜甜咁，愈食愈有胃口。松戶特製中卷中卷卷得十分厚實，入邊包裹住拖羅蓉。拖羅蓉口感綿滑，十分足料。蒜片雞肉南蠻漬雞肉炸得非常juicy，肉質滑嫩，非常之高質。帶子牛油燒略嫌帶子味道偏淡，如果牛油味道再出d就好啦~鍋物牛肉鍋份量十分慷慨，有好多肥牛同豆腐，我地食到最後都食唔哂。