十下火鍋

Post 完將相比好多人問我搞乜晏晝走去食火鍋咁激動 😂 其實十下火鍋午市係有得食車仔麵㗎～十下既裝修走懷舊路線，有好多七八十年代既裝飾同佈置～好花樣年華 feel~ 午市既麵線可以揀椰子雞，花膠雞呢啲選擇，而自己揀料既車仔麵就有得揀藥膳湯底，胡椒湯底同雞湯底，食車仔麵都可以有打邊爐既享受，呢個組合咁意就試吓先～藥膳養生白湯湯底飲落口甘甜有啲啲中藥味同埋唔口乾，肥牛唔太肥唔係散修修爛溶溶嗰啲，腐皮卷好食份量足，韭菜餃同芝士腸就迎合返個車仔麵 feel 既～整體食味都唔錯，下次會再試吓其他唔同既湯底組合。