Doner Kebab (已結業)

土耳其菜特色小店😍土耳其小店位置有啲隱蔽，唔知老闆係咪土耳其人，都好nice，店內仲有幾隻貓貓🐱每樣嘢老闆都親手整，都幾正宗，仲有驚喜！店內環境裝修非常有民族氣息，包括充滿民族風同色彩繽紛嘅餐枱、餐碟，菜式叫左羊肉doner kebab，老闆一路整一路都聞到好香燒肉味，即叫即整，即場削旋轉烤肉落嚟，肉質夠晒嫩又唔會好乾！另外如果怕辣嘅朋友，可以落單嗰時同老闆講走辣，亦都可以跟白飯或者薯條，分量剛剛好，好滿足！😛 望住七彩色嘅磚牆，同店內掛嘅土耳其馬賽克燈，完全覺得自己去咗土耳其啊！