影片
土耳其菜特色小店😍土耳其小店位置有啲隐蔽，唔知老板系咪土耳其人，都好nice，店内仲有几只猫猫🐱每样嘢老板都亲手整，都几正宗，仲有惊喜！店内环境装修非常有民族气息，包括充满民族风同色彩缤纷嘅餐枱、餐碟，菜式叫左羊肉doner kebab，老板一路整一路都闻到好香烧肉味，即叫即整，即场削旋转烤肉落嚟，肉质够晒嫩又唔会好干！另外如果怕辣嘅朋友，可以落单𠮶时同老板讲走辣，亦都可以跟白饭或者薯条，分量刚刚好，好满足！😛 望住七彩色嘅砖墙，同店内挂嘅土耳其马赛克灯，完全觉得自己去咗土耳其啊！
继续阅读
小店位于人流好少嘅角落，打开门里面只有三张枱，但就好有特色挂满色彩鲜艳嘅装饰，梳化位仲铺满土耳其风地毯，另外仲可以买土耳其调味料、零食、饮品，散发出当地风情好似去咗旅行咁！唔同国家嘅kebab(烤肉)都会有啲唔一样，香港好多kebab店系印度人开，而呢间土耳其人开嘅虽然无得另外叫咖喱，但就有好多款传统土耳其kebab拣啦！▫️ 烤鸡肉卡巴卷｜$48食过卡巴卷就知食起上嚟会好哩啡，但呢到会自动帮你切开一半再每人递上一只碟，完全唔怕食到周围系～卷皮偏薄而且卷得好实，鸡肉同蕃茄、洋葱、生菜比例差不多，每一啖都可以食到全部食材，夹埋啲garlic sauce好正，属于唔重口味嘅卡巴卷，鸡肉同卷皮口感都系偏腍身。▫️ 烤鸡肉沙律｜$58鸡肉份量超多，口感比起卡巴卷鸡肉硬，应该系鸡肉位置唔同。底层铺满生菜同洋葱垫住，面层大量garlic sauce同小小辣粉，基本上唔似食紧沙律，相比起卡巴卷无咁惊喜。▫️ 亚丹娜串烧配薄面包｜$98亚丹娜串烧食落口感有啲似汉堡扒，佢系羊肉同牛肉，加上唔同香料混合而成，牛同羊嘅膻味唔重，带点微辣，配合底层嘅薄面包、酱料同配菜食味道都几特别。▫️ 土耳其传统茶(热)｜$18、蜜桃茶(冻)｜$35比起咖啡我更钟意饮茶，传统茶茶味浓郁得嚟易入口；蜜桃茶好甜好甜⋯虽然地方较细，但呢一带较宁静，老板好nice系一间好有人情味又地道嘅餐厅，下次再嚟试埋佢啲甜品同埋薄饼！
继续阅读
最近去咗一间极隐世土耳其小店，如果唔系咁啱经过，应该都唔会发现到佢嘅存在😌小店位于炮台山京华道富利来商场地舖，位置几隐蔽，人流唔多特别冷清。门面相当显眼，有色彩缤纷嘅土耳其花砖墙，挂著土耳其马赛克灯，甚有特色！入到店内面积唔大，有一张二人枱同一张梳化位，四周围都系土耳其花纹嘅家俱，墙上挂著土耳其风地毡，都几适合打卡📸 店内更有一个货架放置土耳其零食、食品及饮品，价钱唔算贵，可以买返啲零食返去止吓旅行嘅瘾😂❤️ Turkish Coffee $45之前去过饮马湾嘅热沙咖啡，估唔到炮台山都有得饮土耳其咖啡㖞😲 杯嘅造型比较普通，系简单嘅白色小杯☕️如果饮过土耳其咖啡应该都知道，土耳其咖啡嘅特色就系唔会过滤咖啡渣，佢啲咖啡会研磨得非常幼细，饮用嘅时候啲咖啡渣就会沉淀到底部，所以饮到少量咖啡渣系正常㗎～ 听闻土耳其人系会根据饮完咖啡渣所形成嘅图案去进行咖啡占卜🔮制作咖啡前，外藉店主会问你需唔需要落糖，我今次就无落糖👀 一上枱咖啡系滚烫嘅状态，咖啡浓郁香醇，呷第一口已经品尝到其苦涩同微酸，第一次饮嘅话可能会唔习惯💁🏻♀️ 店主亦有附上一杯清水，可以帮助清走嘴巴内残余嘅咖啡粉👅❤️ Chicken Doner Kebab $68店主好贴心将doner kebab切成两份，仲分开两个碟载住☺️ 个卷系即叫即整，即场削旋转烤鸡肉落嚟！😛 鸡肉同菜嘅量够多，个鸡肉带少少辣，肉质湿润够嫩唔会烧得太干💦 入面仲有洋葱，佢嘅香料味唔算好重，啲酱仲多到咇哂出嚟😜 卷皮就偏腍，如果可以烘到微脆，口感会更好！ 餐厅推荐度：⭐️⭐️⭐️✨ (3.5/5)得闲嚟吓呢啲特色店舖都唔错，估唔到喺炮台山都饮到土耳其咖啡🤭 虽然店舖细细，但咁有土耳其风情嘅小店都可以一试！支持一吓小店🙌🏻
继续阅读
The boss use his heart to make each food . The food is delicious, the boss is nice and the environment is comfortable , like it and recommend . I like the chicken kebab and the tea.The restaurant decorated with Turkish style and let me know more about the country. Will come
继续阅读
Really kind owners, delicious taste and meat was nicely marinated and soft. We ordered chickpea salad, chicken doner salad and mixed doner with rice. All the veggies tasted fresh and the meat was also nicely flavoured.We will definitely be back!!
继续阅读