上陽樓

营业中

休息中

平時黎大圍圍方都係食下麵、行下，今次就黎到上陽樓食中菜，餐廳座位舒適，而且價錢又唔係好貴，食物質素高！餐牌上有多款菜式可以選擇，也有套餐，我們散叫了幾款試試！啫啫生菜煲，上枱時熱辣辣，生菜新鮮鮮甜，醬汁味道香濃，份量都好多，不錯！蔥香粉絲蝦球煲，上枱時熱辣辣，蝦球大大粒，蝦肉爽口彈牙，粉絲份量好多，味道剛剛好，唔會過咸，而且好有蔥嘅香味，正呀！炸子雞 $240，因為很久沒有吃過炸子雞，所以點了半隻來吃！雞皮炸到脆口，雞肉嫩滑多汁，隨碟仲有炸蕃薯片，好特別呢！豉汁蒸鱔，又是很久沒有吃的菜式，這裡的鱔球口感脆口，味道鮮甜，加上豉汁，用黎送飯一流呀！