影片
更多
2020-11-24
1363 浏览
全港最難book既rosewood酒店The Butterfly Room afternoon tea🦋🦋 係我努力之下終於訂到位可以食😍😍Afternoon tea 分別有5個course1 ）Tea Sandwiches 4件鹹點三文治 ,芝士火腿（芝士味濃、有配醃青瓜👍🏻）、三文魚碎蛋沙律（三文魚比較多唔似食三文治、三文魚好鮮甜）、青瓜芝士（呢款有經喜、青瓜入面有合桃芝士味雖然濃但有青瓜中和解膩、口感變得清爽）、松露碎蛋（見到原片松露就開心😍 松露味好濃郁、加上碎蛋濕潤、最推薦呢款）2）Elegant Surprise 1款用名貴食材製成的鹹點 今次係松露什菌雞肉酥皮盒、賣相精緻、上枱時仲微暖、雞肉同什菌提醒松露鮮味、酥皮好酥脆唔會油膩！3 ）英式鬆餅 有原味同提子味配埋Cotton cream 同Jam、草莓醬同檸檬橙醬、鬆餅我覺得唔錯 、唔會一切就鬆散、口感有少少硬似曲奇🤔 但配埋cream 同jam就岩岩好！4 ）甜點Trolley最期待既要黎啦！！甜品餐車、當中有莓果忌廉蛋糕（忌廉好滑奶味偏重、中層有莓果醬、蛋糕非常鬆軟有蛋味🤤 ）、芝士蛋糕（芝士味濃郁、蛋糕比較濕潤易入
The Butterfly Room afternoon tea🦋🦋 係我努力之下終於訂到位可以食😍😍
Afternoon tea 分別有5個course
1 ）Tea Sandwiches 4件鹹點三文治 ,芝士火腿（芝士味濃、有配醃青瓜👍🏻）、三文魚碎蛋沙律（三文魚比較多唔似食三文治、三文魚好鮮甜）、青瓜芝士（呢款有經喜、青瓜入面有合桃芝士味雖然濃但有青瓜中和解膩、口感變得清爽）、松露碎蛋（見到原片松露就開心😍 松露味好濃郁、加上碎蛋濕潤、最推薦呢款）
2）Elegant Surprise 1款用名貴食材製成的鹹點
今次係松露什菌雞肉酥皮盒、賣相精緻、上枱時仲微暖、雞肉同什菌提醒松露鮮味、酥皮好酥脆唔會油膩！
3 ）英式鬆餅 有原味同提子味
配埋Cotton cream 同Jam、草莓醬同檸檬橙醬、鬆餅我覺得唔錯 、唔會一切就鬆散、口感有少少硬似曲奇🤔 但配埋cream 同jam就岩岩好！
4 ）甜點Trolley
最期待既要黎啦！！甜品餐車、當中有莓果忌廉蛋糕（忌廉好滑奶味偏重、中層有莓果醬、蛋糕非常鬆軟有蛋味🤤 ）、芝士蛋糕（芝士味濃郁、蛋糕比較濕潤易入口）、瑪德蓮貝殼蛋糕（係我食過最好食、檸檬味突出、蛋糕鬆軟）、紅莓撻 （紅莓超多、每粒小紅莓都有紅莓醬係入面、撻皮好香牛油味、酸酸甜甜好好味）、萬眾期待既拿破崙（不得不讚、真係好好食、我自己平時係唔會食拿破崙、但呢款真係想無限encore 🥰、外皮鬆脆、吉士醬細滑甜度適中）
5 ）朱古力Trolley
最後係朱古力餐車、唔食剩係睇住都好治癒☺️榛子朱古力慕絲
（慕絲好滑、但味道偏甜）、果仁朱古力（應該係選用黑朱古力、朱古力味道好濃）、朱古力香蕉蛋糕 （口感軟身、香蕉蓉清甜）、可麗露有驚喜（外層有薄薄焦糖包住、內層好香Rum酒、第一啖感覺有D靭、但再細味後酒香味漸漸揮發出來、而且濕潤、變得好好食）、朱古力磅蛋糕（口感比紮實、朱古力味相對濃郁）
整體來講真係好好食、餐車既食物、鬆餅都可以refill、茶都好好飲、侍應服務都好好、會黎幫手斟茶、每次上菜都會細心介紹、而且見到食得差不多又會黎問需唔需要refill 、又會問食物岩唔岩口味☺️☺️所以都明白點解咁難book!!!!
The Butterfly Room
（10分為滿分）
回顧率🌸：10/10
食物質數🤤 ：10/10
環境⛲️：10/10
服務👩🏻💼：10/10
地址：尖沙咀梳士巴利道18號香港瑰麗酒店2樓
大家有興趣可以follow 我
傾下計 分享美食😌
13 浏览
0 赞好
0 留言
张贴
