埠 (已結業)

有咩chill得過夜媽媽睇海景？就係一邊嘆住串燒一邊睇海景😂 呢間個地點都幾隱世下，唔係住果頭都未必知，原來西灣河碼頭度有間餐廳食串燒。唔好以為得個海景就齋食景，佢啲串燒都真係幾有料到。落好單會跟返次序由清淡嘅蔬菜類開始，慢慢食到偏重味嘅肉類，最後先上主食填肚，唔會亂咁出俾你，而且仲有個熱石爐架保持住串燒嘅溫度，好有心思。其實每一串都好高水準，燒得剛剛好，脆口，肉嫩，惹味。當中最鐘意係流心鵪鶉蛋同帶子雞翼，前者細細粒串住咁燒但依然保持到入面有好多蛋汁，最正係一放入口咬穿佢時，入面啲蛋汁爆出嚟果下快感好正，而後者雞翼同釀響入面熟咗嘅帶子都幾似，然後個感覺好似食緊充滿海鮮味嘅雞翼咁✨話說佢仲有啲室外位直接對住個海坐，如果天氣再涼啲坐果位就爽爆😍