影片
更多
2020-12-25
435 浏览
睇IG見到，啲相好吸引，聖誕前幾日假期去，12點度去到試吓食Lunch，諗住冇乜人爭，點知都要排隊，等咗約25分鐘，唔算耐，因為呢間舖好守規矩，一張檯只坐兩個人，位與位之間又隔得好疏，變咗入面每次只可招待8個客人，餐廳入面尚算整潔。後尾我估佢哋見咁多人排隊，想照顧多啲客人，就喺門口加兩張櫈開多兩個位，但都係每round 招呼10個人度。門口嗰兩個位，真係坐出門口，有啲怪，同埋餐廳其實對正條大馬路，車來車往，塵土飛揚，有啲唔衛生，但都有啲客人唔介意，諗住快快趣食完走。服務招呼好好，食物款式唔多，唔會有選擇困難症煩惱，叫咗喇沙麵 Nonya Larsa Lemak $98、蝦麵 Premium Prawn Noodle $98、咖央多士 Kaya Toast $38，仲有一杯特飲 Lemon Grass and Pandas Leaf Infusion $28。喇沙麵個樣睇落去係okay，啲麵好似米線，但食落去個湯係暖，一啲都唔熱，呢個我會覺得唔合格，完全扣分，食咗幾啖，見個蛋都係凍，就忍唔住同佢哋講個麵唔熱，餐廳侍應有禮貌，好快拎番入去整番熱個麵，唔知佢哋係成個麵再煮過定用微波爐叮，係比
服務招呼好好，食物款式唔多，唔會有選擇困難症煩惱，叫咗喇沙麵 Nonya Larsa Lemak $98、蝦麵 Premium Prawn Noodle $98、咖央多士 Kaya Toast $38，仲有一杯特飲 Lemon Grass and Pandas Leaf Infusion $28。
喇沙麵個樣睇落去係okay，啲麵好似米線，但食落去個湯係暖，一啲都唔熱，呢個我會覺得唔合格，完全扣分，食咗幾啖，見個蛋都係凍，就忍唔住同佢哋講個麵唔熱，餐廳侍應有禮貌，好快拎番入去整番熱個麵，唔知佢哋係成個麵再煮過定用微波爐叮，係比起之前煮熱咗，但個湯、麵、仲有啲餸，唔係個心都係熱辣辣嗰種。所以扣分。
蝦麵，個湯熱，有米粉同埋麵喺入面，啲餸有蝦及义燒，味道唔差，但灣仔蘭度街附近有間「蝦麵店」都係咁上下，選擇仲多，每碗$70至$80。同埋啲蝦係一樣，相信都係同一貨源。
咖央多士入面啲醬好多，唔太甜，食完麵再食，攤凍咗少少，熱辣辣時就會仲正。
整體嚟講，食物算okay，服務好，但唔洗好耐排隊就食，試吓無妨嘅。
张贴
