影片
更多
2016-11-09
3791 浏览
平時甚少食中菜嘅喂食妹，有朋友介紹觀塘嘅一間私房菜館。話就算兩個人都可以試到好多樣野，仲樣樣都用料十足。於是就book咗同男朋友嚟食喇！預先book咗位，餐廳會問定你想食咩有咩喜好，會提前whatsapp定菜單比你，好貼心！麻辣手撕雞一份，小辣先嚟嘅涼菜，手撕雞份量足夠四個人食其實。雞絲嫩滑唔會過瘦帶韌，帶有小小麻辣好有風味。青瓜絲爽口清新，增加口感，伴上麻醬開胃之選。花雕蛋白蒸龍躉球龍躉有厚厚嘅一層骨膠原，肉質實身魚味重。蛋白吸收咗龍躉嘅鮮同花雕嘅香，滑滑地幾特別。係今餐中偏清淡嘅一個餸，但都好食到魚嘅新鮮。芝士焗花龍蝦5至6兩，1只今餐真心豪，兩個人食龍蝦好正！5到6兩嘅龍蝦兩個人分剛剛好。肉質非常彈牙，龍蝦味濃而且鮮甜。咬落有汁，食得出係新鮮龍蝦先有嘅咬口。好特別嘅係炸面底，撈埋啲芝士汁食就一流！海王豆腐大蜆湯一人一碗嘅大蜆湯，大蜆大得驚人，打開成隻碗咁大！蜆無沙，肉身厚又鮮味。湯帶奶白色，入口漿口有濃濃嘅骨膠原感。配上少許菇菌，令湯鮮味更加突出。鮑魚試咗兩種整法：啫啫南非鮑魚兩只鮑魚切件用上大砂鍋啫啫煮，加上大量嘅蒜同蔥爆香，好有火口。用上南非鮑魚肉質厚身，啫啫味濃而香口。黑胡
話就算兩個人都可以試到好多樣野，仲樣樣都用料十足。
於是就book咗同男朋友嚟食喇！
預先book咗位，餐廳會問定你想食咩有咩喜好，會提前whatsapp定菜單比你，好貼心！
麻辣手撕雞一份，小辣
先嚟嘅涼菜，手撕雞份量足夠四個人食其實。雞絲嫩滑唔會過瘦帶韌，帶有小小麻辣好有風味。
青瓜絲爽口清新，增加口感，伴上麻醬開胃之選。
花雕蛋白蒸龍躉球
龍躉有厚厚嘅一層骨膠原，肉質實身魚味重。蛋白吸收咗龍躉嘅鮮同花雕嘅香，滑滑地幾特別。
係今餐中偏清淡嘅一個餸，但都好食到魚嘅新鮮。
芝士焗花龍蝦5至6兩，1只
今餐真心豪，兩個人食龍蝦好正！5到6兩嘅龍蝦兩個人分剛剛好。肉質非常彈牙，龍蝦味濃而且鮮甜。
咬落有汁，食得出係新鮮龍蝦先有嘅咬口。好特別嘅係炸面底，撈埋啲芝士汁食就一流！
海王豆腐大蜆湯
一人一碗嘅大蜆湯，大蜆大得驚人，打開成隻碗咁大！蜆無沙，肉身厚又鮮味。湯帶奶白色，入口漿口有濃濃嘅骨膠原感。
配上少許菇菌，令湯鮮味更加突出。
鮑魚試咗兩種整法：
啫啫南非鮑魚兩只
鮑魚切件用上大砂鍋啫啫煮，加上大量嘅蒜同蔥爆香，好有火口。用上南非鮑魚肉質厚身，啫啫味濃而香口。
黑胡椒南非鮑魚兩只
呢個就有啲似新加坡嘅胡椒炒蟹嘅煮法。原隻鮑魚配上香濃嘅胡椒味，做法比啫啫惹味。
而且原隻上大大啖啖好有咬口。蒜蓉粉絲蒸蟶子皇2只
叫得蟶子皇，真係大大隻勁多肉，成隻仲長過我手掌呀！蟶子面有大量嘅蒜蓉同粉絲，香味非常濃郁，但又唔會搶咗蟶子嘅鮮甜味。
蟶子夠新鮮，肉質彈牙，保留到原汁原味。士多啤梨骨
呢個係御膳嘅招牌菜之一，遠遠已經聞到好香嘅士多啤梨味。個樣有啲似香醋骨，出奇地大大件嘅排骨竟然又淋又入味！
食落士多啤梨味反而無咁濃，酸酸甜甜咁幾開胃都。蟹油銀芽炒麵
炒麵有鑊氣，蟹油令炒麵帶有淡淡嘅蟹鮮味。唔會太油膩，而且麵身彈牙，好食！
甜品
係紅豆椰汁糕，椰汁味香濃。
超級無敵十分勁飽嘅一餐，所有野都好用心製作，最欣賞係用料好新鮮！
张贴
