小島料理

营业中

休息中

差唔多7點開始排隊排到8:30後先入得去坐。原本想食西冷牛丼，但係只剩返和牛咁照試下，都等咗咁耐，仲嗌咗塔可飯。個牛係幾好食，口感味道都唔錯，但個塔可飯就一般，感覺上係加咗香料嘅肉醬飯。唔會再食嘅原因同食物無關。等咗個幾鐘，入到去食咗15分鐘。等咗半個幾鐘嘅時候，隊頭有2個女仔話未齊人，原來佢哋六個人，等左咁耐原來先知係要等更耐。入面食嘢嘅人全部都食差唔多成個鐘，因為排隊排得耐，所以入邊要食返咁耐？窗口枱有一對男女，佢食幾耐我排隊望佢食幾耐，個女仔冇食一啖要傾5分鐘計要加1分鐘鹽，而條仔就早就食完。佢哋或者店入邊嘅人完全冇考慮過出面嘅人可能捱緊肚餓。呢個可能係香港做飲食嘅悲哀。客人坐低食嘢想食得輕鬆舒服係無可厚非，但係喺外邊排隊嘅人就有差天共地嘅感受；但係，如果要店員控制客人用餐時間同埋管理如何排隊，又好似有點那個。有咩可以做到呢？只可以講係香港飲食業嘅悲哀？會體諒但唔會再食，想支持都支持唔落。