十和田 (已結業)

老公仔接我放工話去食好野，原來帶我黎十和田食壽司。呢間分店係第一次食，入到去可能地方偏僻無地鐵，加上時間尚早，所以人流唔多，唔洗等位。呢度地方都幾大，坐得好舒服。呢度有青森蘋果梳打飲，30幾蚊幾抵飲。之後我地叫左好多壽司：有鰻魚壽司、吞拿魚三食、螃蟹壽司三食、三文魚三食、油甘魚壽司、赤貝壽司、帆立貝壽司同火灸帆立貝壽司。對於螃蟹狂熱者既我就好滿意佢個螃蟹三食。蟹既肉質鮮甜嫩滑，唔會出哂水淋之之，蟹膏又甘香可口，無得彈呀！👍🏽另一個好抵讚既係鰻魚壽司，勁厚身，差d一啖都食唔哂添。同埋呢d壽司size好岩女仔食，唔會太大舊飯，但係料又好足，呢個價錢食到呢個食物質素同環境真係唔多啦係香港！