影片
更多
2023-08-16
17 浏览
約朋友食飯，問佢想食乜嘢，佢話好隨性，好自由，食乜都得。(其實只係諗唔到)，咁我就跟佢個主題，選擇左自由不羈，無拘無束嘅波希米亞主題餐廳。店入邊到處都係花嘅裝飾，就好似吉卜賽人喺自由既大自然中用餐。 🍖 點了二人餐，由前菜到main course, 都分別有好多嘅蔬菜配搭住海鮮或者肉類。前菜既小食拼盤，雖然喺雞翼，魷魚圈，同埋炸蝦，但係又有好多沙律，所以唔會覺得熱氣，亦都唔會油膩。 🍖紐西蘭殼飼牛西冷，我地選擇左medium rare, 外層煎得香脆，裡邊仲係好juicy，配搭黑松露汁固然好味，唔點醬汁，單純咁感受牛肉嘅肉味，一樣yummy。配合翠玉瓜，露荀，小蕃茄，薯蓉，仲有食用花。增加纖維吸收，而且五顏六色，美觀又健康。 🍖龍蝦汁龍蝦Risotto，意大利飯做到Al dente,龍蝦大大隻，飯入邊仲有帶子粒，同埋大量嘅扁豆，增加口感。細心位係龍蝦已經幫你開左個殼，但仍然保持原貌，只要一拉，龍蝦肉就可以輕易拉出。店員又細心遞上濕紙巾，令你係進食過程之中雙手都保持清潔。 🍺本來諗住黎到咖啡店，一定要試下佢嘅咖啡，點知食物大份，足料又好味，我地飽到都唔想再飲野。我保留按照商品說明條例投訴
🍖 點了二人餐，由前菜到main course, 都分別有好多嘅蔬菜配搭住海鮮或者肉類。前菜既小食拼盤，雖然喺雞翼，魷魚圈，同埋炸蝦，但係又有好多沙律，所以唔會覺得熱氣，亦都唔會油膩。
🍖紐西蘭殼飼牛西冷，我地選擇左medium rare, 外層煎得香脆，裡邊仲係好juicy，配搭黑松露汁固然好味，唔點醬汁，單純咁感受牛肉嘅肉味，一樣yummy。配合翠玉瓜，露荀，小蕃茄，薯蓉，仲有食用花。增加纖維吸收，而且五顏六色，美觀又健康。
🍖龍蝦汁龍蝦Risotto，意大利飯做到Al dente,龍蝦大大隻，飯入邊仲有帶子粒，同埋大量嘅扁豆，增加口感。細心位係龍蝦已經幫你開左個殼，但仍然保持原貌，只要一拉，龍蝦肉就可以輕易拉出。店員又細心遞上濕紙巾，令你係進食過程之中雙手都保持清潔。
🍺本來諗住黎到咖啡店，一定要試下佢嘅咖啡，點知食物大份，足料又好味，我地飽到都唔想再飲野。我保留按照商品說明條例投訴佢哋嘅權利。哩嗰根本就係三至四人餐嘅份量，令到我地兩個食得滿足又捧腹而回。做唔倒波希米亞，自由奔放嘅效果。
✨️同場加映小狗波波，佢喺呢度既常客所養嘅狗。真係好痴人。男女都比佢冧死！
张贴
