桂花小幸 (將軍澳廣場)

营业中

休息中

行完將軍澳廣場見肚餓去左「桂花小幸」食晚飯，果陣8點幾，見到間鋪頭都full哂，仲有6個人係出面排隊，心諗應該都好食先咁多人排既，所以等多陣先入得去。環境靚，有格調，裝修都好新正。我同朋友都係食肉獸，叫左三拼牛肉餅定食，鹽酥雞排魯肉飯，同埋三盛紅燒牛肉面。牛肉面黎講，牛肉少脂肪，多瘦肉，面夠彈牙／爽，湯底正，用紅蘿蔔煲，清甜應該冇味精，飲完唔口渴 。肉丸結實彈牙但牛肉味唔重。但係三拼牛肉餅定食同牛肉面d餸有重覆，叫一樣就可以。炸雞排炸得幾通透金黃，外脆內多肉汁，好好！野飲我叫左個紅豆奶茶，茶係用左茉莉花茶，好清香，奶茶清香加埋紅豆既甜，幾match。