影片
更多
2018-11-04
22 浏览
好耐之前食過一餐印度素菜，事隔咁耐又同呢個只係食素嘅朋友再次出動，挑戰另外一間印度素菜館！其實平時真係好少食印度菜，因為好少朋友會有興趣、怕重口味，雖然我都會好少少怕，但間唔中都會想挑戰下。今次呢間餐廳同上次嘅感覺已經好唔同，感覺有點mix 西式嘅風味，唔係單純嘅印度菜，令我更加期待～唔知印度人自己又覺得岩唔岩食呢～朋友講話咖喱配naan 係印度菜最出名嘅食法，作為冇咩點做過調查嘅我就梗係信佢，而作為芝士控嘅我叫左個cheese naan同埋奶酪蕃茄馬薩拉芝士分量唔算少，naan 烤嘅程度岩岩好，外脆內軟，就咁食已經好好食，點埋個奶酪蕃茄馬薩拉又係另一種感覺，個馬薩拉酸酸地可以去中和個個好濃嘅味道，令佢冇咁易膩。另外叫左個奶酷薯仔馬薩拉餡餅。個餡餅嘅餡料好足，唔會只係用個餅黎喂飽你。咬落去口感極豐富，有薯仔嘅軟滑，又有蔬菜嘅爽口，加埋辣嘅感覺好過癮之前食過嘅餡餅全部都係有肉嘅，但素餡餅一D都唔會輸比肉餡餅！上次叫過一次印度奶茶黎飲之後覺得好重香料味，飲慣港式奶茶嘅我飲唔慣，所以就放棄左叫。但朋友竟然話想再挑戰一次，所以佢就叫左。我試左一啖，覺得比上次少左好多香料味，冇咁重口味而我作為奶
另外叫左個奶酷薯仔馬薩拉餡餅。個餡餅嘅餡料好足，唔會只係用個餅黎喂飽你。咬落去口感極豐富，有薯仔嘅軟滑，又有蔬菜嘅爽口，加埋辣嘅感覺好過癮之前食過嘅餡餅全部都係有肉嘅，但素餡餅一D都唔會輸比肉餡餅！
上次叫過一次印度奶茶黎飲之後覺得好重香料味，飲慣港式奶茶嘅我飲唔慣，所以就放棄左叫。但朋友竟然話想再挑戰一次，所以佢就叫左。我試左一啖，覺得比上次少左好多香料味，冇咁重口味而我作為奶昔愛好者就叫左個芒果印度奶昔黎試下，睇下同平時奶昔有咩分別。佢相對平時飲開嘅奶昔冇咁甜，呢點我係幾欣賞嘅，不過佢印度嘅特色就都係會落少少香料，佢嘅程度都算係我接受到嘅範圍，但我都係鐘意平時飲開嘅奶昔多D
整體黎講我覺得呢個fushion 嘅印度菜係各方面都減低左佢重口味嘅原素，令到香港人會容易接受到多D，呢樣係一個好好嘅定位。始終我同普遍香港人應該都會有少少食不消最正宗嘅印度菜，呢個係可以放心試嘅餐廳！
张贴
