天天海南雞(中份)$158
同餐廳一樣名ge招牌菜一定要試下啦。雞夠滑，仲有啲jelly，唔錯。
雞油飯$38
雞油飯正，有啲餐廳黃薑飯當雞油飯，得個色但無味。呢度ge雞油飯非常唔錯。
古法肉骨茶$148
有成4大舊骨，arm晒食肉獸，仲有好多枝竹同豆卜等等，非常足料。我地未食過古法ge肉骨茶，唔知應該係咩味，但呢個湯對我地黎講就咸左啲，但因為食啲料都勁飽，所以其實我地都無咩飲到啲湯
哪吒鬧海$148
個名幾得意，其實即係laksa. 麵分開裝，造型好得意，係夾起左ge麵。材料都好豐富，有蝦，青口等等ge海鮮，亦有豆卜等等。湯底非常濃郁，建議上枱就要盡快趁熱食。
招牌超級水果茶$38
係名符其實ge超級水果茶啊. 係超級大杯啊. 上枱果陣我地都嚇親。$38黎講真係超級抵啊。我地兩個人好盡力咁飲都飲唔晒。生果都有好多eg蘋果, 奇異果, 橙, 熱情果, 非常豐富。
天天特式豆腐花
食到尾聲原來仲有豆腐花送。我見隔離枱都有，不過就唔知係咪枱枱都有啦。
埋單果陣既然有9折，其實唔折價錢都合理，折左當然更抵啦。
