幸屋

营业中

休息中

諗住一個人快食, 途經「幸屋」見無人等緊位就同位阿姐既侍應攞位, 佢表示而家無位你要等一等, 咁我就出返門口等。當時已經有4個人睇緊餐牌, 隨後再同阿姐表示4位, 咁都一樣啦, 佢都表示未有位要等。 之後有兩個客人走左, 阿姐都無叫我同另外4位客人入去, 直到有一pair男女詢問o個4個人係咪排隊等緊位, 佢地就話侍應話有2個位喎你問下啦, 之後女方問阿姐, 阿姐就叫佢排隊等位。唔夠兩分鐘, 阿姐就叫呢一pair人入去, 我就上前問阿姐:我係咪只可以等一人既位? (想表達比佢知我等先過佢地), 阿姐再答: 未有位喎, 1個都要等等呀。 咁我就再等多一陣, 之後再有兩個客人走左, 阿姐出黎問個4個人你地會唔會分開坐? 唔會的話不如坐住等。 我呢個時候先意會到, 原來對佢地黎講單人既客並唔係客, 有枱都唔會比你, 只會無視你。所以我最後係無等到, 仲會從此BLACK LIST佢地。