筷子記

营业中

休息中

一直都有聽過筷子記，Openrice成日我search中環餐廳都見到佢。今日經過又見唔洗等位就入去試下。環境都係一般中環茶記咁，有D迫但算幾乾淨既。但通常呢D地方都好逼你要快，都未睇得切有咩食已經有人吹你落單，選擇都算係多野揀，同平時D車仔麵店食既野係有D唔同。我就點左澳門包心卷，唐生菜，澳門魚片頭，墨魚丸，油麵配咖哩汁。朋友就點左澳門包心卷，芥蘭，澳門魚片頭，肥牛，米線配茄汁。我地都係第一次食撈車仔麵，大家都覺得好難食。首先個汁無乜特別，仲要個咖喱汁其實唔係好有咖喱味。一咬個魚片頭係凍架，好似未解好凍咁。包心卷同墨魚丸就普普通通，唔覺得好特別。至於我地兩個麵亦都係痴實晒，一餅野咁，真係唔識欣賞。總結就係好失望，可能我唔係食佢出名既野掛。雖然間野係出名，但我覺得係我食過最難食既車仔麵，不過四個餸加個飲品黎講就算抵食。