發達叉燒

营业中

休息中

發達叉燒⭐️叉燒雙蘭王蛋飯 叉燒燒得岩岩好，外層有少少焦糖化嘅，入口帶有微微嘅甜味。叉燒肉質唔會太乾或者太肥，瘦肥比例幾好。蘭王蛋煎到半熟，蛋黃一篤就破，撈埋啲飯一齊食好有滿足感。⭐️茅台醬油雞 茅台醬油雞係個幾特別嘅菜式，醬汁用咗茅台酒調味，帶少少酒香但唔會過濃，反而令雞肉嘅香味更加突顯，而且雞件嫩滑得黎肉質仲保持住彈性。如果鍾意中式醬油嘅味道同有d 新意嘅朋友，一定要試下。⭐️鵝汁時蔬 鵝汁時蔬雖然唔係主角，但亦都有驚喜。西蘭花苗用鵝汁煮完之後非常入味，有油香但又唔會鹹，好適合作為配菜。