目利きの銀次 (已結業)

首先，我比電子水牌顯示的玉子燒吸引到。於是就決定食呢間。晚上7:30行到門口發現唔洗等位。好自然就入去食。3個人，叫咗4樣野，好正常。串燒6串$128：雞翼，鵪鶉蛋，蕃茄，雞脾菇，豬腩肉，魚肉餅。 食物偏油，煙肉偏咸、乾、硬。海膽三文魚子帆立貝飯$228：海膽都叫做有啲海膽味；三文魚子，正常；帆立貝無乜味。上面既wasabi幾好味。三文魚鍋$78：湯咸及好油，我相信大部份人都知道三文魚煮完後會出好多油，如果要放落鍋係咪應該印乾啲先，同埋，個湯真係唔洗咁咸。飲完一口湯，要飲返一啖水。蟹膏玉子燒$98：玉子燒中間係多蟹膏既，但個樣唔夠厚身。因為hsbc 卡有9折，total $531。總結，我唔會再食呢間野。