影片
更多
2021-03-15
10575 浏览
聽過大班樓呢個名好多年, 不過就無仔細留意過佢, 就咁聽個名同睇個門面覺得佢似係💵富豪級會幫襯既舊式酒樓, 高級版蓮香樓。直至上年睇左個youtuber介紹, 先知大班樓係亞洲50大最佳餐廳, 好似話仲要係香港區排名第一。大班樓最吸引我想去試下既原因係因為網上話佢地專門選用本地優質食材配上自家調製的醬汁高湯去烹調每一道菜式, 給予人一種與別不同, 實而不華既感覺, 加上裝修走低調簡潔風格, 偏向私房菜既定位。我地點左蜂巢芋泥煙鴨盒, 魚米湯煮大花蝦球，椒鹽蝦頭, 三蝦炒飯: 鮮蝦, 蝦乾, 蝦膏同龍井煙燻米鴨配黑糖羅望子醬。蜂巢芋泥煙鴨盒 - 齋睇張相已經見到唔夠蜂巢, 入口偏實淨, 芋泥味道也偏淡。魚米湯煮大花蝦球，椒鹽蝦頭 - 椒鹽蝦頭炸得酥脆惹味成個都可以食, 蝦球也很新鮮爽口, 魚米湯有種食緊魚湯粥既感覺, 但味道偏淡。三蝦炒飯: 鮮蝦, 蝦乾, 蝦膏 - 同上面一樣, 唔太食得到味, 好似媽咪係🏠屋企煮既炒飯咁仲要係唔記得落鹽嗰種。龍井煙燻米鴨配黑糖羅望子醬 - 去骨啖啖肉, 黑糖羅望子醬最有驚喜, 層次豐富既酸甜滋味, 係食東南亞菜經常會食到既味道。當日有件事反映出侍應的服
我地點左蜂巢芋泥煙鴨盒, 魚米湯煮大花蝦球，椒鹽蝦頭, 三蝦炒飯: 鮮蝦, 蝦乾, 蝦膏同龍井煙燻米鴨配黑糖羅望子醬。
蜂巢芋泥煙鴨盒 - 齋睇張相已經見到唔夠蜂巢, 入口偏實淨, 芋泥味道也偏淡。
魚米湯煮大花蝦球，椒鹽蝦頭 - 椒鹽蝦頭炸得酥脆惹味成個都可以食, 蝦球也很新鮮爽口, 魚米湯有種食緊魚湯粥既感覺, 但味道偏淡。
三蝦炒飯: 鮮蝦, 蝦乾, 蝦膏 - 同上面一樣, 唔太食得到味, 好似媽咪係🏠屋企煮既炒飯咁仲要係唔記得落鹽嗰種。
龍井煙燻米鴨配黑糖羅望子醬 - 去骨啖啖肉, 黑糖羅望子醬最有驚喜, 層次豐富既酸甜滋味, 係食東南亞菜經常會食到既味道。
當日有件事反映出侍應的服務有待改善, 就係坐正正我地隔離張枱既客人(入坐先過我地), 佢地一行3人應該係youtuber, 拎住部手掌型攝錄機📹大講對大班樓食物既感受, 聲音宏亮。雖然客人要做什麼也是他們的自由, 但侍應可以做好少少, 細心少少, 眼見離遠有一張枱由頭到尾都無人坐......我不下十數次叫老公講野🗣大聲D講清楚D, youtuber 把聲完全蓋過左老公把聲。理解大班樓既大廚想要保留食材既原汁原味, 但也希望佢地明白其實運用適當既調味, 更能帶出食物既鮮味。
张贴
