影片
更多
2023-04-23
138 浏览
第二次幫襯，因為阿女想試個芝士蛋糕。上次只係叫輕食就好少少，不過員工態度一如既往。晚上8時15分左右到達，喺前台等候帶位，員工無視我喺度等，仲避開眼神接觸，最後要行入去大聲叫人。咁啱得咁橋，今次又係坐返對住廚位出菜個位，嗰對門簾依然係梅菜咁，一間日式餐廳竟然會咁唔整齊，寫個服字。員工們逗留喺出菜位房間，細聲講大聲笑，拎住個電蚊拍互打。其中一個男仔仲爆粗講自己威水史。有客人遞咗好耐手想埋單都無人理，因為根本無人喺到，我忍唔住叫佢哋，先有一個女仔出嚟處理。觀乎全餐廳係無一個負責人，所以大家都玩得好開心。食物亦好差，叫榛子咖啡比錯綠茶咖啡，咖啡係唔熱，直頭係微涼。個蟹肉沙律入面食到一條好長嘅包裝膠紙，初頭以為係菜絲，但咬唔斷，從口中拉出嚟先知係膠紙，唔睇下真係差啲會照吞落肚。更差嘅係，我喺fb pm專頁作投訴，佢哋係已讀不回，諗住再查下邊個集團經營，再send email，原來係“富臨”！唔怪得咁啦！明哂！
晚上8時15分左右到達，喺前台等候帶位，員工無視我喺度等，仲避開眼神接觸，最後要行入去大聲叫人。咁啱得咁橋，今次又係坐返對住廚位出菜個位，嗰對門簾依然係梅菜咁，一間日式餐廳竟然會咁唔整齊，寫個服字。員工們逗留喺出菜位房間，細聲講大聲笑，拎住個電蚊拍互打。其中一個男仔仲爆粗講自己威水史。
有客人遞咗好耐手想埋單都無人理，因為根本無人喺到，我忍唔住叫佢哋，先有一個女仔出嚟處理。觀乎全餐廳係無一個負責人，所以大家都玩得好開心。
食物亦好差，叫榛子咖啡比錯綠茶咖啡，咖啡係唔熱，直頭係微涼。個蟹肉沙律入面食到一條好長嘅包裝膠紙，初頭以為係菜絲，但咬唔斷，從口中拉出嚟先知係膠紙，唔睇下真係差啲會照吞落肚。
更差嘅係，我喺fb pm專頁作投訴，佢哋係已讀不回，諗住再查下邊個集團經營，再send email，原來係“富臨”！唔怪得咁啦！明哂！
3 浏览
0 赞好
0 留言
张贴
