金子半之助 (利東街)

营业中

休息中

今次終於有機會同朋友去金子半之助食聞名已久嘅日本丼飯。 我哋分別叫左江戶前天丼，同埋天井兩款飯。先講江戶前天井，入面材料好豐富，有海老、穴子、小柱魷魚天婦羅餅、溫泉蛋、海苔、同埋莢碗豆，先講入面所有嘅炸物全部粉漿都好薄唔算厚，食起上嚟唔會話太熱氣同埋唔會淨係食到d炸粉，食吾到入邊d材料味道。穴子鰻魚size好大塊，長過一隻手掌，肉質就肥美同埋鮮甜，而且冇乜骨啖啖肉，而其他材料就保持一貫日本食物要求水準，超新鮮超鮮甜。天丼其實從江戶前天丼塊鰻我魚轉做三塊大姑，對d唔想食咁多肉或者唔鍾意食魚嘅朋友就最啱喇。提提大家溫泉蛋係食到一半之後再拮爆中間個黃，流d蛋漿連埋d飯食，因為蛋漿連埋啲特製醬汁加埋飯食，真係食到停唔到口，係另一款風味。