Wagyu Ya (已結業)

最近都好忙,係工作同學習方面不停兩邊走,趁住有一星期既break可以輕鬆下就一於去試下之前一直想試既餐廳先.黎到金馬倫道呢條食街,內裏有間食和牛既餐廳我一直想試好耐,雖然係lunch但一樣有和牛lunch set.Wagyu ya Don一丼集齊所有高級食材而且同時帶出2款口感,先有較濃味既本日主角熊本和王和牛同鵝肝後有清新鮮味既海膽,三文魚籽,拖羅蓉同炙燒左口魚裙邊.和王和牛內既油花分佈細膩且油脂鮮香豐厚,每啖都食到濃濃獨特既牛香味,入口唔會有過重油份既味道相反入口較温和.足2份厚切鵝肝好奢華🤤,鵝肝兩面煎得夠香口帶微微焦香,入口外脆內綿滑而且唔會過份油膩之餘帶濃郁口感.食完重口味食材更能突顯出海鮮丼呢邊既清爽.三文魚籽爽脆內帶新鮮海洋鹹香味配飯一流.拖羅魚蓉入口夠香又唔會帶筋,炙燒左口魚裙邊燒過後獨有既油香入口即溶,餘韻係口腔內沉澱.有海膽本身已經夠high class,仲係海膽面加上魚籽更加分,海膽入口鮮而不腥,入口creamy.Wagyu Rib eye Cap set,用上岩鹽石板將和牛粒墊起整齊咁排列好,每粒都煎得5成熟外脆內嫩.牛脂味香又唔會好濁,再配上粒粒分明富有彈性既