銀座炎蔵燒肉

营业中

休息中

😌 天氣凍咗，成日都想食多啲肉，琴晚終於扚起心肝去咗D2 Place 食燒肉，呢間係喺東京嚟嘅過江龍，裝修企理，牛肉嘅質素非常不錯👍👍今晚最慘就係厚切牛舌賣晒🥲唔緊要啦，我哋叫咗 「和牛極致六點拼盤」同埋 「上等」，再加碗紫菜飯，仲試咗雞頸柳，全部都幾好味😁如果你都鍾意啲肥膩嘅肉，和牛羽下真係必食推介，油花好豐富，油脂甘香，送飯一流啊！腰脊肉就肉味重啲，輕輕點啲鹽已經好好味。雞頸肉肉質爽口，唔係咁多燒肉嘅地方有，都好值得試吓。牛舌就稍為薄咗啲，唔夠喉啊！想讚吓呢度嘅服務好好，斟茶換網全部都好快手。